Iemen Do Sur
A República Democrática Popular do Iemen, ou simplemente Iemen do Sur, foi un estado nado en 1967, na rexión de Adén, antigo dominio británico, cunha orientación marxista, converténdose no primeiro estado socialista árabe.
| |||||
| Himno | Al-jumhuriyatu l-muttahida (pt)   | ||||
|---|---|---|---|---|---|
| Localización | |||||
| |||||
| Capital | Adén | ||||
| Poboación | |||||
| Lingua oficial | árabe | ||||
| Datos históricos | |||||
| Precedido por | |||||
| Creación | 30 de novembro de 1967 | ||||
| Disolución | 22 de maio de 1990 | ||||
| Sucedido por | Iemen | ||||
| Organización política | |||||
| Forma de goberno | Marxismo-leninismo unipartidismo República parlamentaria | ||||
| Órgano lexislativo | Supreme People's Council (en) , | ||||
| Membro de | ONU (1967–1990) | ||||
| Moeda | South dinar (en) | ||||
| Código de país | sen valor e YD | ||||
.svg)
O 22 de maio de 1990 creouse a República do Iemen, proxecto comezado en 1981 cando se acorda unha Constitución, unindo a República Árabe do Iemen (Iemen do Norte) e a República Democrática do Iemen. A República Árabe independizárase do Imperio Otomán en 1918, e a República Democrática independizouse do Reino Unido o 30 de novembro de 1967.
Historia
O interese británico na área que iría compor a República Popular Democrática do Iemen comezou a crecer o 19 de xaneiro de 1839, cando forzas da Compañía Británica das Indias Orientais controlaron o porto de Aden, empregándoo como un punto de parada na rota para a India. Aden foi gobernada como parte da India británica até 1937, cando a cidade foi promovida ao status de Colonia de Aden.
Os territorios do leste de Aden non eran administrados directamente polos británicos. Estes territorios fóronse asociando a través de tratados de protectorados, mantendo leis locais e a política tradicional. Este conxunto de tratados de protección tornou a rexión en Protectorado de Aden.
No ano 1963, Aden e a maioría dos Protectorados foron reunidos na Federación da Arabia do Sur, baixo a esperanza da concretización da promesa británica de independencia total ni 1968.
Dous grupos nacionalistas, a 'Fronte de Liberación do Iemen Ocupado' e a 'Fronte Nacional de Liberación', actuaban contra o dominio británico. Co fechamento temporal do canal de Suez, en 1967, o poder británico entrou en crise e o Iemen do Sur conquistou a súa independencia como a República Popular do Iemen do Sur o 30 de novembro de 1967, baixo goberno da 'Fronte Nacional de Liberación'.
En xuño de 1969, os grupos marxistas máis radicais do goberno tomarían forza e mudaron o nome do país para República Popular Democrática do Iemen. Todos os partidos políticos foron absorbidos polo Partido Comunista Iemenita, volvéndose o único partido legalizado.
O Partido Comunista aliñou ao Iemen ao Bloque Socialista, aproximando relación coa Unión Soviética, Cuba e a República Popular da China.
Cidades importantes
- Lahej, no centro do Wadi Tuban.
This article uses material from the Wikipedia Galego article Iemen do Sur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.