Icía (tamén Cecilia, Cilla, Cecía, Cía ou Sía) é un nome feminino galego de orixe latina: Cæcilla que significa: cegueira ou ceguiña .
A Gens Cecilia era unha das grandes familias da República Romana.
O nome está moi relacionado cos nomes Celia (variantes: Celeste, Celestina, Celina e Celsa) provenientes tamén do latín e co significado: pertencente ao ceo.
Santa Icía (en latín, sancta Caecilia), santa padroa dos músicos, foi unha nobre romana convertida ao cristianismo e martirizada pola súa fe entre os anos 180 e 230.
A principal festa de Santa Icía celébrase o 22 de novembro.
Non é un nome moi común en Galicia, pero si en Asturias. Santa Cecilia, Cilla ou Sía é padroa de catro parroquias en Galicia: Freán, O Saviñao; Santa Cecilia de Trasancos, Ferrol; Santa Cilla do Valadouro, Foz e Santa Sía de Roma, Zas. 1.150 mulleres levan o nome Cecilia en Galicia[cando?]. As variantes Cilla (menos de cinco persoas) e Cecía (seis persoas) están en desuso. Como curiosidade, a variante galega Cilla tamén é usada en Suecia e Holanda.
É un nome popular nos Estados Unidos de América (entre os 500 primeiros nomes de nenas). Tamén é dos nomes máis populares de Suecia a comezos do século XXI.
Existe o masculino Cecilio.
This article uses material from the Wikipedia Galego article Icía, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.