1910 El Obrero
El Obrero foi un periódico editado en Ferrol entre 1910 e 1936.
| El Obrero | |
|---|---|
| Localidade | Ferrol |
| Na rede | |
 | |
| [ editar datos en Wikidata ] | |
Historia e características
Subtitulado Órgano de la Agrupación Socialista ferrolana y defensor de la clase trabajadora, apareceu como semanario socialista e converteuse en voceiro oficial da Agrupación Socialista de Ferrol en 1913. Estivo dirixido por Edmundo Lorenzo Santiago. Foi suspendido durante a Ditadura de Primo de Rivera e reapareceu en 1930. Pechado por orde gobernativa entre outubro de 1934 e abril de 1935, seguiu editándose ata xullo de 1936. Na Segunda República foi dirixido por Marcial Fernández Vázquez, Ángel Mato Peña, Manuel Morgado e Xaime Quintanilla.
As súas páxinas fomentaron a polémica entre os partidarios galegos das teses esquerdistas de Largo Caballero e os defensores da liña moderada adoptada polo PSOE durante o primeiro bienio republicano. Entre os seus colaboradores figurou Tomás López da Torre e incluíu colaboracións de prestixiosas sinaturas do socialismo español como Luis Araquistain, Andrés Saborit, Sócrates Gómez e Francisco Largo Caballero.
Véxase tamén
Bibliografía
- "Obrero, El". Enciclopedia Galega Universal. Ir Indo. 1999-2002. ISBN 84-7680-288-9.
- Fernández Fernández, Eliseo (2005). Obreirismo ferrolán. Vigo: A Nosa Terra. pp. 81–82. ISBN 84-96403-42-4.
Outros artigos
This article uses material from the Wikipedia Galego article El Obrero (1910), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.