Edicións Xerais De Galicia: Empresa editorial galega
Edicións Xerais de Galicia, S.A.
Marañón de Vigo. Dende 1988 pertence ao grupo empresarial Anaya, integrado en 2004 no Grupo Lagardère.
| Edicións Xerais | |
|---|---|
 | |
  | |
| Tipo | Editora |
| Fundación | 1979 |
| Matriz | Grupo Lagardère |
| Localización | Vigo |
| Fundador | Xulián Maure Rivas Germán Sánchez Ruipérez, |
| Na rede | |
| http://www.xerais.gal | |
   | |
| [ editar datos en Wikidata ] | |
Historia
Fundada en 1979 en Vigo por Xulián Maure Rivas e Germán Sánchez Ruipérez, forma parte do Grupo Anaya dende 1988, ano en que naceu este grupo editorial, que desde xaneiro de 2004 está integrado no Grupo Lagardère.
Publica fundamentalmente libros en galego, de tódolos xéneros literarios, así como libros de texto e de divulgación. Publicou dous dicionarios que se encontran entre os máis difundidos da lingua galega, marcando un fito na difusión editorial da lexicografía xeral: coa primeira edición en 1986 do Diccionario Xerais da Lingua (de capas laranxas), con algunhas etimoloxías e pronuncias e co que estudaron xeracións enteiras de galegos, e o Gran Diccionario Xerais da Lingua do ano 2000, con 2.027 páxinas e de carácter inclusivo, aínda que tamén discrimina as prescricións normativas (na norma daquela, previa á reforma normativa de 2003). Posteriormente, en 2009, publicarían o Gran Dicionario Xerais da Lingua en dous tomos e con 2.464 páxinas actualizado coas normas publicadas ata aquel momento. Convoca anualmente o Premio Xerais de novela, así como o Premio Merlín de literatura infantil e dende 2006 o Premio Caixa Galicia de literatura xuvenil, que en 2014 pasaría a ser coñecido como Premio Jules Verne.
O seu director é Fran Alonso, que sucedeu no cargo a Manuel Bragado, este a Víctor Fernández Freixanes, que foi precedido por Luís Mariño.
O fondo editorial chegaba ós 3.300 títulos o 1 de xuño de 2012, dos que 1.600 forman parte do seu catálogo vivo. A maior parte dos títulos editados realizáronse en lingua galega, mais tamén se publicaron algúns en castelán, portugués e inglés. Xerais edita, fundamentalmente, en soporte papel.
Notas
Véxase tamén
Wiki Commons ten máis contidos multimedia na categoría: Edicións Xerais de Galicia  |
Outros artigos
- Grandes do noso tempo
- Biblioteca das Letras Galegas
- Colección Ablativo Absoluto
- Colección Fóra de Xogo
- Xabarín (colección literaria)
Ligazóns externas
This article uses material from the Wikipedia Galego article Edicións Xerais de Galicia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.