Comarca Do Ribeiro: Comarca da provincia de Ourense

A súa capital é Ribadavia, e a ela pertencen os concellos da Arnoia, Avión, Beade, Carballeda de Avia, Castrelo de Miño, Cenlle, Cortegada, Leiro, Melón e Ribadavia. Dálle nome ao viño do Ribeiro.

Comarca do Ribeiro
Provincia	Provincia de Ourense
Área	406,92 km²
Poboación	15.571 hab. (2020)
Densidade	38,27 hab./km²
Concellos	A Arnoia Avión Beade Carballeda de Avia Castrelo de Miño Cenlle Cortegada Leiro Melón Ribadavia.
Xentilicio	ribeiro/ribeira
v c e

Ocupa unha superficie de 406,92 km², nos que viven 15.571 habitantes (2020). Por ela transcorren tamén os ríos Arnoia e Avia. O Miño está represado nos encoros de Castrelo de Miño e da Frieira. Existen varios balnearios que aproveitan as augas. Desde a Serra do Suído e Faro de Avión, ao oeste, onde se chega ao 1.000 m de altitude, o relevo descende até só 97 m en Ribadavia e Arnoia.

O clima é de transición oceánico-mediterráneo, propicio para o cultivo do viñedo.

Refraneiro

• Dálle ó porco do caldeiro, e non do Ribeiro .
• Mentras auga teña o Miño, no Ribeiro non falta viño .
• O viño do Ribeiro fai andar ó mozo lixeiro .
• O viño do Ribeiro fai fortes ós mozos e remoza ós vellos .
• O viño do Ribeiro fai ó vello chuscarrandeiro .
• O viño do Ribeiro non ten compañeiro .
• O viño do Ribeiro ten sona de paroleiro .
• Viño tinto do Ribeiro, falangueiro e trouleiro .
• Pra bos viños, Ribadavia, e todo o Ribeiro de Avia .
• Viño tinto do Ribeiro, falangueiro e trouleiro .

Cantigueiro

• O Ribeiro é moi alegre/ polo tempo da vendima,/ que o veñen facer alegre/ as nenas de aló d’arriba.

•  
•  
  Concellos da comarca do Ribeiro.

Bibliografía

• RODRÍGUEZ GONZÁLEZ, Eladio: Diccionario enciclopédico gallego-castellano, Galaxia, Vigo 1958-1961.
• VALLADARES NÚÑEZ, Marcial: Diccionario gallego-castellano, Santiago, Imp. Seminario Conciliar 1884.