Cetonia Aurata

Cetonia aurata
Clasificación científica
Reino: Animalia Filo: Arthropoda Clase: Insecta Orde: Coleoptera Suborde: Polyphaga Infraorde: Scarabaeiformia Superfamilia: Scarabaeoidea Familia: Scarabaeidae Xénero: Cetonia Especie: Cetonia aurata (Linnaeus, 1758)
Subspecies
Cetonia aurata aurata Linneaeus, 1761 Cetonia aurata pallida (Drury, 1770) Cetonia aurata pisana Heer, 1841 Cetonia aurata jingkelii Flutsch & Tauzin, 2009 Cetonia aurata pokornyi Rataj, 2000 Cetonia aurata sicula Aliquo, 1983 Cetonia aurata viridiventris Reitter, 1896

O escutelo é a pequena área con forma de V entre os élitros; pode mostrar varias liñas e marcas brancas pequenas e irregulares. A parte ventral do animal ten unha cor de cobre e a parte dorsal é ás veces de cor de bronce, cobre, violeta, azul/negra ou cincenta.

Cetonia aurata non debería confundirse coa especie norteamericana Macrodactylus subspinosus nin coa escasa Gnorimus nobilis, que é moi similar. Un xeito de identificar a Cetonia aurata é ver o seu escutelo; que en G. nobilis é un triángulo equilátero, pero en C. aurata é un triángulo isóscele.

C. aurata pode voar velozmente cos seus élitros baixados. Aliméntase de pole, néctar e flores, especialmente rosas. Poden encontrarse entre rosas nos días solleiros cálidos de maio a xuño ou xullo e ocasionalmente ata setembro. Encóntranse en Europa central e meridional e na parte sur do Reino Unido, onde ás veces parecen estar moi localizadas. Poden tamén encontrarse no sueste de Asia, no campo e nas illas periféricas fronte a Hong Kong. Son especies saprófagas beneficiosas (detritívoras).

Ciclo vital

As larvas teñen forma de C e teñen un corpo peludo, enrugado e firme, unha cabeza pequena e patas moi pequenas. As larvas pasan o inverno onde se alimentaron, que pode ser en compost, esterco, follas caídas descompostas por fungos ou madeira podre. Crecen moi rapidamente e mudan dúas veces antes do fin do outono. Teñen un ciclo vital de dous anos. Pupan de xuño a xullo. Algúns adultos poden saír da pupa en outono, pero a principal saída prodúcese en primavera, cando os escaravellos se aparean. Despois de aparearse as femias poñen ovos en materia orgánica en descomposición e despois morren.

A coloración verde metálica do escaravello créase estruturalmente, causada pola reflexión principalmente de luz polarizada circularmente; como noutros escarabeidos esta é unha luz polarizada circularmente á esquerda. Cando se ve través dun polarizador circular dereito, o escaravello parece ser incoloro. Hai tamén diferentes cores ademais do verde común; hai tamén cor de cobre, gris e negro. Moitos espécimes teñen manchas brancas mentres que algúns teñen poucas ou ningunhas. Foi descrita como un polarizador elíptico de banda estreita cara á esquerda.

•  
  Larva
•  
  Pupa
•  
  Adulto
•  
  Coas ás estendidas; nótense os élitros pechados
•  
  Padrón de voo
•  
  Variacións de cor
•  
  Sobre un cardo

Ligazóns externas

• Photos of Cetonia aurata
• Photos of Cetonia aurata e outras especies de escaravellos Cetonia.
• Rose chafer Cetonia aurata, fotos do seus ciclo vital.
• Cor de Cetonia aurata en lentes de película 3D, vídeo de YouTube de 23 segundos que demostra a dependencia da orientación da luz da cor brillante do escaravello.