Bullet With Butterfly Wings

Apareceu orixinalmente no seu álbum de 1995 Mellon Collie and the Infinite Sadness, do cal foi o seu principal sinxelo. Este sinxelo formou parte posteriormente do box set The Aeroplane Flies High, e o tema aparece tamén no álbum de grandes éxitos Rotten Apples. A canción gañou en 1997 o Grammy á mellor actuación de Hard Rock. "Bullet with Butterfly Wings" foi o primeiro hit da banda en entrar no Top 40 estadounidense, chegando ao número 22 na Billboard Hot 100.

O vídeo musical da canción, dirixido por Samuel Bayer, ten fortes elementos conceptuais. A parte visual do vídeo está inspirada en documentais sobre minas de diamantes, mentres que, en contraste, a banda usa o vídeo para estrear o seu novo aspecto glam rock, destacando Billy Corgan coa súa camisela negra coa palabra "Zero" en prata, e os seus pantalóns prateados. O vídeo tamén é o último antes de que Corgan decidise raparse a cabeza.

Listaxe do sinxelo

Os seguintes temas aparecen no sinxelo orixinal:

1. "Bullet with Butterfly Wings" (Billy Corgan) - 4:16
2. "...Said Sadly" (James Iha) - 3:09

Listaxe do The Aeroplane Flies High

1. "Bullet with Butterfly Wings" (Corgan) - 4:16
2. "...Said Sadly" (Iha) - 3:09
3. "You're All I've Got Tonight" (Ric Ocasek) - 3:10
4. "Clones (We're All)" (David Carron) - 2:43
5. "A Night Like This" (Robert Smith) - 3:36
6. "Destination Unknown" (Dale Bozzio/Terry Bozzio/Warren Cuccurullo) - 4:14
7. "Dreaming" (Debbie Harry/Chris Stein) - 5:11

A canción foi usada lixeiramente modificada como cabeceira do programa de televisión Animal Planet na súa serie Whale Wars, o cal seguía á tripulación do barco da Sea Shepherd Conservation Society Steve Irwin na súa persecución ao cazadores de baleas xaponeses. O tema tamén se inclúe no capítulo de South Park Whale Whores que parodia a Whale Wars'.

"Weird Al" Yankovic parodiou a canción en "The Alternative Polka" do se álbum Bad Hair Day.