Berce Da Civilización

O pensamento actual é que non houbo un único berce, senón varias civilizacións que se desenvolveron independentemente, co Crecente Fértil (Mesopotamia e Antigo Exipto) considerados os máis antigos. Outras civilizacións xurdiron en Asia entre as diferentes culturas que poboaban os vales dos ríos, como na chaira indoganxética do subcontinente indio e no río Amarelo da China. O alcance e a influencia destas primeiras civilizacións en Oriente Próximo e Asia Oriental está en disputa. Os estudosos concordan que as civilizacións de Mesoamérica, principalmente no actual México, e civilización de Caral no actual Perú xurdiron independentemente das de Eurasia.

Os estudosos definiron diversos criterios propios das civilizacións, como o uso da escrita, as cidades, as sociedades de clases, a agricultura, os edificios públicos, a metalurxia e a arquitectura monumental. O termo berce da civilización foi empregado en gran variedade de culturas e áreas, en particular a Idade do Cobre do Antigo Oriente Próximo, o Crecente Fértil, a Antiga India e a Antiga China. Tamén foi aplicado para Anatolia, o Levante mediterráneo e Irán.

Bibliografía

• Samuel Noah Kramer (1959). Anchor Paperback. Doubleday Anchor Books. 
• Samuel Noah Kramer (1969). Cradle of Civilization. Little Brown & Co. ISBN 0-316-32617-8. 
• Georg Feuerstein (2001). In Search of the Cradle of Civilization. Quest Books. ISBN 0-8356-0741-0. 
• Ethel Hofflund (2001). The Cradle of Civilization (Lifepac History & Geography Grade 6). Alpha Omega Publications. ISBN 0-86717-552-4. 

Outros artigos

• Cronoloxía do Antigo Oriente Próximo