Bandcamp
Bandcamp é unha compañía estadounidense de música en liña fundada no ano 2008 polo cofundador de Oddpost Ethan Diamond e os programadores Shawn Grunberger, Joe Holt e Neal Tucker.
A empresa ten a súa sede en Oakland, California.
| Bandcamp, Inc. | |
|---|---|
 | |
| Tipo | privada |
| Fundación | 16 de setembro de 2008 |
| Localización | Oakland, California  |
| Fundador | Ethan Diamond, Shawn Grunberger, Joe Holt, Neal Tucker |
| Industria | streaming e venda de música |
| Na rede | |
| https://bandcamp.com | |
     | |
| [ editar datos en Wikidata ] | |
Modelo
Artistas e selos discográficos soben música a Bandcamp e controlan como queren vendela, poñendo os seus propios prezos, ofrecendo aos fans a opción de poder pagar máis e vendendo mercadotecnia.
Os fans poden descargar as súas compras ou escoitalas a través da páxina ou da aplicación de Bandcamp. Tamén poden enviar música mercada como regalo, ver as letras, e engadir cancións individuais ou álbums a unha lista de desexos. Subir música a Bandcamp e gratis, e a compañía faise cunha porcentaxe das vendas feitas dende a súa páxina (15% en música e 10% en mercadotecnia), porcentaxe que baixa ao 10% cando as vendas dun artista superan os 5 000 dólares.
As descargas ofrécense tanto en formatos con perdas como MP3 (320k ou V0), AAC e Ogg Vorbis así como en formatos sen perdas como FLAC, ALAC, WAV e AIFF. Ademais das descargas dixitais os artistas poden ofrecer a compra da súa música en formatos físicos como CDs ou vinilos.
A páxina de Bandcamp ofrece aos usuarios acceso a unha páxina de artista con información, ligazóns a redes sociais, ligazóns a mercadotecnia e listando a súa música dispoñible. Os artistas poden cambiar o aspecto da súa páxina e personalizar as súas características.
Notas
This article uses material from the Wikipedia Galego article Bandcamp, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.