O BC Dinamo Tbilisi (en xeorxiano: დინამო თბილისი) é un club profesional de baloncesto xeorxiano con sede na cidade de Tbilisi, capital do país.
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2018.) |
Actualmente xoga na Georgian Super Liga, a máxima categoría do baloncesto xeorxiano. O Dinamo foi un dos primeiros equipos campións da Copa de Europa (actual Euroliga), torneo que conseguiu en 1962 tras ser subcampión en 1960, sendo o único equipo xeorxiano en gañar a competición.
Dinamo Tbilisi | |
Información xeral | |
---|---|
Liga | GSL |
Fundación | 1934 |
Cores | Laranxa, azul, branco |
Presidente | Vakhtang Natsvlishvili |
Adestrador | Irakli Khoshtaria |
Localización | |
Cidade | Tbilisi, Xeorxia |
Pavillón | Tbilisi Sports Palace |
Capacidade | 9.700 |
Inauguración | 1961 |
Campionatos | |
Euroliga | 1 (1962) |
Liga URSS | 4 (1950, 1953, 1954, 1968) |
Liga | 4 (1991, 1992, 2003, 2014) |
Copa URSS | 3 (1949, 1950, 1969) |
Copa | 1 (2004) |
bcdinamo.ge |
O BC Dinamo foi fundado no ano 1934 como a división de baloncesto do Sociedade Deportiva Dinamo. Durante os anos 1950 e 1960, o club era un dos equipos principais da Unión Soviética. Nesa época gaña o campionato de Liga en catro ocasións, a Copa en tres, e finaliza en posicións de medalla (tres primeiros) outras oito veces máis.
No ano 1960, o Dinamo consegue chegar á final da Copa de Europa (o predecesor da actual Euroliga), onde foron derrotados polo ASK Riga en dous partidos. Dous anos máis tarde, volven lograr chegar á final desta competición, e nesta ocasión, logran ser coroados como o equipo mellor de Europa ao derrotar ao Real Madrid nun encontro disputado na localidade suíza de Xenebra. O adestrador do club naquel tempo era o lendario Otar Korkia, quen xa fora xogador do club e que foi nomeado en 1991 como un dos 50 mellores xogadores da historia da FIBA. O Dinamo tamén lograría chegar á da Copa Saporta en 1969, onde foron derrotados polo Slavia de Praga.
Dinamo foi ademais o primeiro gañador do campionato xeorxiano tras a independencia do país en 1991. En total, desde aquela, o club gaña catro Ligas de Xeorxia e unha Copa. O fracaso á hora de encontrar un patrocinador propiciou a falta de éxitos do club durante os anos 2000. Con todo, o Banco de Xeorxia converteuse no principal mecenas do equipo do equipo en 2011, o cal permitiu a incorporación de xogadores estranxeiros e fixar obxectivos máis ambiciosos de cara ao futuro. O éxito viuse finalmente materializado na temporada 2013−14 estación coa primeira aparición do Dinamo na final da Liga tras unha década. Ademais o club conseguiría gañar o título con solvencia.
Liga da Unión Soviética
Copa da Unión Soviética
Liga de Xeorxia
Copa de Xeorxia
This article uses material from the Wikipedia Galego article BC Dinamo Tbilisi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.