Os atentados de Bruxelas de marzo de 2016 tiveron lugar o día 22 de marzo de 2016 no aeroporto e varias estacións do metro de Bruxelas, onde finaron polo menos 33 persoas e 250 resultaron feridas.
Atentados de Bruxelas de marzo de 2016 | |
---|---|
Aeroporto de Bruxelas, Estación Maelbeek/Maalbeek | |
Lugar | Bruxelas Bélxica |
Coordenadas | 50°52′37″N 4°25′54″L / 50.876833333333, 4.43158333333334°25′54″L / 50.876833333333, 4.4315833333333 |
Data | 22 de marzo de 2016 8:00 a.m. -tempo aproximado- (Bruxelas, Madrid) |
Tipo de ataque | Ataque terrorista suicida |
Arma(s) | Bombas |
Mortos | 33 (31 vítimas e 2 terroristas) |
Feridos | 250 persoas |
Sospeitoso(s) | Estado Islámico |
Motivo | xihadismo |
[ editar datos en Wikidata ] |
Houbo dúas explosións no Aeroporto de Bruxelas pouco despois das oito da mañá. Unha delas na terminal internacional de saídas, preto dos mostradores de American Airlines e SN Brussels Airlines. Segundo os medios franceses, a outra explosión tivo lugar na pista. As autoridades belgas confirmaron que as explosións foron provocadas por un terrorista suicida.
Unha explosión tivo lugar no traxecto entre as estacións de metro de Maelbeek e Schuman, preto do Parlamento Europeo, ás 09:11 CET. O Metro de Bruxelas foi pechado como consecuencia da explosión.
Nacionalidade | Morte | ||
---|---|---|---|
Por determinar | 30 | ||
Perú * | 1 | ||
Total | 31 | ||
* Algunhas vítimas teñen máis dunha nacionalidade. Os datos están baseados nos datos preliminares e poden estar incompletos. |
Nos atentados, polo menos 33 persoas, incluíndo os dous terroristas suicidas, resultaron mortos e outras 250 persoas feridas, algunhas delas de xeito crítico. Trece persoas morreron no Aeroporto de Bruxelas, mentres que os outros 20 morreron na estación de metro. 81 persoas resultaron feridas no aeroporto, mentres que o resto, resultaron feridas no metro. Este atentado foi o máis grave sufrido en Bélxica en toda a súa historia.
Sospéitase que os irmáns, Khalid e Brahim el-Bakraoui, foron os terroristas suicidas que fixeron estoupar as bombas no aeroporto de Bruxelas. Un terceiro home, foi visto xunto a eles nas gravacións de seguridade do aeroporto, e foi identificado como Najim Laachraoui. A policía belga emitiu unha orde de captura contra el. Estes homes están relacionados coa mesma célula terrorista que perpetrou os ataques terroristas de París en novembro de 2015.
No vídeo de seguridade, os tres homes aparecen empuxando un carro con maletas, nas que se cre que estaban aloxadas as bombas. Segundo o taxista que os levou ao aeroporto, tratou de axudalos coas maletas, pero eles negáronse. Os irmáns el-Bakroui levan un guante na man esquerda, que segundo se cre, serviu para ocultar o detonador.
Horas despois dos atentados, a policía foi levada a un domicilio en Schaerbeek, situado ao norte de Bruxelas, polo condutor do taxi que levou aos sospeitosos ao aeroporto. Tras entrar no domicilio, atoparon restos de materiais químicos, unha bandeira do Estado Islámico, entre outros materiais explosivos.
Laachraoui foi arrestado no suburbio bruxelés de Anderlecht o 23 de marzo.
O Órgano de Coordinación para a Análise da Ameaza (OCAM polas súas siglas en francés) activou o nivel 4 de alerta en todo o territorio nacional de Bélxica.
Os voos, instalacións ferroviarias, metro e demais instalacións de transporte, así como colexios e instalacións públicas foron pechadas. Así mesmo, o Parlamento Europeo foi evacuado e todas as reunións foron canceladas. O campus da ULB (Universidade libre de Bruxelas) foi evacuado.
O Ministro de Interior belga anunciou que o nivel de alerta terrorista sería elevado ao máximo por mor dos ataques.
Pouco despois de coñecerse a noticia das explosións, Israel emitiu unha prohibición a todos os voos procedentes de Europa. A prohibición ten vixencia desde as 10:30 ata a media noite (hora de Israel). Esta prohibición non afecta aos voos saíntes do país.
Na fronteira entre Bélxica e os Países Baixos viuse reforzada a presenza policial. A seguridade reforzouse no Aeroporto de Schiphol. A seguridade tamén se viu reforzada nas catro principais estacións de tren e nas estacións fronteirizas con Bélxica.
A fronteira entre Francia e Bélxica pechouse. O Ministro de Interior de Francia, Bernard Cazeneuve indicou que Francia aumentará a presenza policial nas fronteiras, e será obrigatorio levar tarxetas de identificación no transporte público.
O Primeiro Ministro Manuel Valls afirmou que Europa está en guerra desde hai varios meses. Pola súa banda, a alcaldesa de París Anne Hidalgo, anunciou que a Torre Eiffel iluminarase coas cores da bandeira de Bélxica a tarde do 22 de marzo.
A estación de tren parisiense, Gare du Nord que ofrece servizos ata Bruxelas foi pechada de xeito temporal.
No Reino Unido a seguridade aumentou no Aeroporto de Gatwick. O Primeiro Ministro David Cameron convocou o comité de emerxencia para analizar a situación.
Unha primeira comparecencia do Ministro de Asuntos Exteriores e de Cooperación, José Manuel García-Margallo responsabiliza ao grupo DAESH dos atentados.
Todas as bolsas europeas rexistraron fortes caídas tras coñecerse a noticia.
Horas despois do atentado o cancelo #JeSuisBruxelles e imaxes de Tintín chorando foron utilizadas nas redes sociais como reacción dos cidadáns fronte ao masacre.
Wiki Commons ten máis contidos multimedia na categoría: Atentados de Bruxelas de 2016 |
This article uses material from the Wikipedia Galego article Atentados de Bruxelas de 2016, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.