Antonio Eiras Roel: Historiador galego

Nado na Arxentina, fillo de emigrantes galegos, licenciouse en Filosofía e Letras pola Universidade de Santiago de Compostela (1954) e foi doutor pola Universidade Complutense de Madrid (1957). Foi profesor (1960) e catedrático (1965-2000) de Historia Moderna na USC e xestor da creación do Arquivo Histórico desta universidade (1969). Dedicouse ao estudo da historia política do século XIX, da historia social, rural e económica, da demografía histórica e da historia institucional.

Dende 1999 foi Cronista Xeral de Galicia e organizou diversos congresos e reunións, como os Coloquios Internacionais de Metodoloxía Histórica Aplicada (Universidade de Santiago, 1973, 1982, 1984 e 1989). Foi membro da Société d’Histoire Moderne de París, da Association Française des Historiens Economistes (1974-2000), da Société de Démographie Historique de París (1975-2000), da Real Academia da Historia e membro fundador da Asociación Española de Historia Moderna, que presidiu entre 1988 e 1991.

• El partido demócrata español, RIALP, 1961
• Estudios sobre agricultura y población en la España Moderna, Tórculo Edicións, 1990. ISBN 84-86728-56-8
• Los gallegos y América, xunto con Ofelia Rey Castelao, Fundación MAPFRE, 1992. ISBN 84-7100-540-9
• I Conferencia Europea de la Comisión Internacional de Demografía Histórica, xunto con Ofelia Rey Castelao (dir. congr.), Xunta de Galicia, Consellería de Educación e Ordenación Universitaria, 1994. ISBN 84-605-3434-0
• La población de Galicia, 1700-1860: crecimiento, distribución espacial y estructura de la población de Galicia en los siglos XVIII y XIX, Santiago de Compostela: Fundación CaixaGalicia, D.L. 1996. ISBN 84-89231-30-3

Como director ou coordinador

• Metodología de la historia moderna: economía y demografía, 1975.
• La historia social de Galicia en sus fuentes de protocolos, 1981.
• Actas de las Juntas del Reino de Galicia (2 vol.), 1995-1999.
• El reino de Galicia en la monarquía de Felipe II, 1998.
• El Reino de Galicia en la época del Emperador Carlos V, 2000.

• Premio Antonio López Ferreiro de Investigación (2000).

Bibliografía

• Obradoiro de historia moderna: homenaje al profesor Antonio Eiras Roel en el XXV aniversario de su cátedra, Baudilio Barreiro Mallón, USC, 1990, 323 páx.
• Artigo EIRAS ROEL, Antonio na Gran Enciclopedia Galega Silverio Cañada.
• Artigo EIRAS ROEL, Antonio na Enciclopedia Galega Universal de Ir Indo.

Ligazóns externas

• Antonio Eiras Roel na EDUGA, Consellería de Cultura, Educación e Ordenación Universitaria.