A escola das areas é unha curtametraxe de animación dirixida por Tomás Conde Rodríguez, rodada en 2002 en formato Betacam.
A escola das areas | |
---|---|
Ficha técnica | |
Director | Tomás Conde Rodríguez |
Produtor | Virginia Curiá Martínez, Tomás Conde Rodríguez, José María Suárez Rodríguez |
Guión | Puri Seixido |
Fotografía | Virginia Curiá Martínez |
Estrea | 2002 |
Duración | 11 minutos |
Orixe | Galicia |
Xénero | comedia |
Orzamento | 72 000 € |
Martín Sarmiento achégase a Pontevedra para coñecer ao doutor Morte, na procura da vacina contra a varíola. Na praza da Leña, a carón do consultorio do doutor, recibe aulas o fillo do médico, canda a outros nenos. O profesor é diglósico, e intenta falar e facer falar aos nenos lingua castelá, malia utilizar moitos galeguismos. O Padre Sarmiento, que tampouco gosta do uso da violencia, defende o uso do galego para aprender, e chega a un trato co doutor: se en tres días lle aprende a ler ao fillo, o doutor diralle o segredo da vacina.
Co seu propio método pedagóxico, o Padre Sarmiento vai facendo que Alfonso se interese pola lectura, léndolle as aventuras de Ulises e as sereas. Finalmente logra que Alfonso lea unha frase en latín (nemo repente fit sapiens, "ninguén se fai sabio de repente"), dándolle nos fociños ao profesor, que prometera facerse frade se o rapaz aprendía a ler en tres días.
Ano | Categoría | Receptor | Resultado |
---|---|---|---|
2002 | Mellor curtametraxe de animación | Lúa Films | Gañador |
This article uses material from the Wikipedia Galego article A escola das areas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.