اسکاتلند (اينگيليسي مئن: Scotland، اسکاتلندي گالي مئن: Alba) ایته کشور و ایته بخش جه پیله بريتانيا ايسه.
اسکاتلند بريتانيا کلسیا میان نهأ. اونه مرز و حدود جه نسا اينگيليس أمرأ، و دئه بقیه مرزان آتلانتیک اقیانوس و کلسیا دریا (North Sea) جه خورتاو ایرلند دریا ایسه. اسکاتلند صارا پور جزایر جا شکل بیگیفته کی اوشانه شومار به هفتصدو نود جزیره فرسه. کی شامل کلسیا جزایر و هیبرید جزایر ایسه. ادينبرا، اسکاتلند پایتخت و اۊن ٚ دومین پیله شهر بعد گلاسکو ایسه.
هجدهمین میلادی قرن میان اسکاتلند روشن فکران و دانشمندان جیگا بو. اسکاتلند تجاری ، علمی و صنعتی تحولات باعث بوبوسته کی بندر گلاسکو اسکاتلند پیله شهر بِبه. آبردین اسکاتلند سومین پیله شهر ایسه. کی ایتا پیله صنعتی شهر ایسه. اونه پیله ذخائر نفت و گاز باعث بوبوسته کی اؤروپا پایتخت نفت لقب بیگیره. و اؤروپا ایجایی سازمان ویشتره خو نفت ذخایره آبردین میان دره. اسکاتلند حکومت و تشکیل پادشاهی به قرون وسطا اوایل واگرده و تا سال 1707 ادامه دَشتی. و بعد اَ تاریخ ضمیمه اینگیلیس خاک بوبوسته. سال 1603 میان، جئمز پنجم اسکاتلند پادشاه و ایرلند و اینگیلیس شاه بوبوسته و هر سه حکومت ایتا حکومت واحد بوبوستید.و هتو بو کی اسکاتلند سیاسی ایجایی اینگیلیس مره شکل بیگیفته. و پیله بریتانیا پارلمان جانشین اسکاتلند و اینگیلیس پارلمان بوبوسته. ولی اسکاتلند قوانین تغییر نوگوده وسابقه زمات مَنستن بمانسته و اسکاتلند قوانین اجرایی و حقوقی اینگیلیس مره سیوا بوبوسته.
سربس
This article uses material from the Wikipedia گیلکی article اسکاتلند, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.