Walter Scott

Bha nobhailean agus bàrdachd Scott air leth soirbheachail air feadh na Roinn Eòrpa.

Walter Scott
britheamh
Beatha
Breith	Dùn Èideann, 15 dhen Lùnastal 1771
Dùthaich	Alba
Àite-fuirich	Taigh Àth an Aba
Ciad chànan	Beurla
Bàs	Taigh Àth an Aba, 21 dhen t-Sultain 1832
Àite-adhlacaidh	Dryburgh Abbey (en)
Nàdar a’ bhàis	adhbharan nàdarra (stròc)
Teaghlach
Athair	Walter Scott
Màthair	Anne Rutherford
Cèile	Charlotte Genevieve Charpentier (en)  (1797 -
Clann	liosta Charlotte Sophia Lockhart (en) Anne Scott (en) Charles Scott (en) Sir Walter Scott, 2nd Baronet (en)
Foghlam
Foghlam	Oilthigh Dhùn Èideann Jordan High School (en) Kelso High School (en) An Àrd-sgoil Rìoghail University of Edinburgh School of Law (en)
Cànain	Beurla
Dreuchd
Dreuchd	bàrd, sgrìobhaiche-dràma, cànanaiche, eadar-theangair, nobhailiche, eòlaiche-ciùil, beatha-eachdraiche, sgrìobhadair, britheamh, neach-lagha a tha na b(h)àid, neach-lagha, eachdraiche agus breithniche litreachais
Àitichean-obrach	Alba
Obraichean comharraichte	Waverley (en) Rob Roy (en) Ivanhoe (en) Old Mortality (en) The Lady of the Lake (en)
Duaisean a fhuaras	liosta ball Comann Rìoghail Dhùn Èideann
Buaidh	King James Version (en)
Ballrachd	Roinn nan Tagraichean-lagha Saor-chlachaireachd Comann Rìoghail Dhùn Èideann Celtic Society (en) Bannatyne Club (en)
Gluasad	romantaigeachd
Far-ainmean	Jedediah Cleishbotham, Laurence Templeton, Somnambulus, Malachi Malagrowther, Clutterbuck agus Lawrence Templeton
Gnè ealain	ur-sgeul eachdraidheil bàrdachd sgeul goirid tèatar romantaigeachd
IMDb	nm0779797

Rugadh e ann an Dùn Èideann, Alba. Fhuair e foghlam aig Oilthigh Dhùn Èideann agus rinn e ceum ann an lagh. Phòs e Charlotte Carpenter ann an 1797. Gu ruige 1826, bha e a' fuireach ann an Dùn Èideann. Ann an 1811, cheannaich e Cartley Hole Farm - ach thug e an t-ainm 'Abbotsford' air agus dh'imrich an teaghlach ann an 1812. Thachair e ri Seumas Hogg agus bha iad nan caraidean. Ged a bha na leabhraich aige glè shoirbheachail, bha trioblaidean mòra aige a thaobh airgid bho 1826. Chaochail e ann an 1832 aig Abbotsford agus chaidh a thìodhlacadh ann an Abaid Dryburgh.

 

Ann an 1818, bha Scott na cheannard na sgioba a lorg seudan na h-Alba a bha air a bhith air chall. Chaidh an lorg ann an Caisteal Dhùn Èideann. Nuair a thadhail Rìgh Seòras IV air Dùn Èideann ann an 1822, bha Walter Scott 'n sàs ann an eagrachadh na cuirme. B' e seo a' chiad turas a chaidh rìgh Hanobharach a dh'Alba airson tadhail oifigeil.

An toiseach, bha Scott ainmeil mar bhàrd, ged a tha na nobhailean aige nas ainmeile a-nis. Thòisich e ri bàrdachd nuair a bha e fhathast glè òg. Ann an 1800, dh'fhoillsich e cruinneachadh de bhaileadan, Minstrelsy of the Scottish Border. Bha ùidh mhòr aig Scott ann am beul-aithris nan Crìochan. Nuair a bha e na bhalach, chuir e seachad ùine mhòr ann an Sandyknowe còmhla ri a sheanmhair agus piuthar-màthar. Bha e a' cruinneachadh nan seann bhaileadan agus bha e glè mheasail orra, ach bha e gan 'deasachadh' agus gan 'leasachadh' cuideachd, gus am bi iad a' còrdadh ri luchd-leughaidh.

Ann an 1805, dh'fhoillsich Scott a' chiad dàn fada, The Lay of the Last Minstrel. Bha an dà chuid luchd-leughaidh agus luchd-sgrùdaidh a' moladh an dàin. Bha na dàin eile a dh'fhoillsich e soirbheachail cuideachd: Marmion (1808) agus The Lady of the Lake (1810).

Ann an 1814, dh'fhoillsich Scott Waverley, a' chiad nobhail aige, gu dìomhair. Bha Waverley air leth cudromach, oir b' e a' chiad nobhail eachdraidheil a bh' ann. Às dèidh Waverley, sgrìobh e iomadh nobhail eachdraidheil eile, 's iad a' gabhail àite ann an Alba: Rob Roy, The Heart of Midlothian, The Bride of Lammermoor no Old Mortality.

Ceòl

• Gaetano Donizetti - Lucia di Lammermoor

Filmichean

• Rob Roy (1992)

Nobhailean Waverley

• Waverley
• Rob Roy
• The Heart of Midlothian
• The Bride of Lammermoor
• Old Mortality

Bàrdachd

• The Lay of the Last Minstrel
• The Lady of The Lake
• Marmion

• Tasglann Figearail Ridire Walter Scott