Achadh Muthaich

Tha e na shuidhe air mullach creige de chlachan-gainmhich Deabhonach mu 120 troigh os cionn geodha is cladach moil.

Faodar dèanamh a-mach gu bheil an dàrna eileamaid den ainm aige, 'muthach', a' buntainn do na faclan buachaill, buaghair is bùthair (Gàidhlig Arainn) a tha uile a' freumhachadh ann am "bó". Is e seann-ainm air buachaill a' chruidh a th' ann am 'muthach'.

Ged as e Obar Bhrothaig a tha an-diugh aithnichte airson nan adagan smocte aige, chaidh na h-adagan a rèisgeadh o thùs le iasgairean Achadh Muthaich, gus an do dh'imrich na teaghlaichean iasgaich air fad a dh'Obar Bhrothaig le cuireadh o bhàillidhean a' bhaile sin agus gealltanas gum faigheadh iad fearann is caladh a' bhaile dhaibh fhèin.

Thug muinntir Achadh Muthaich leotha an cainnt is cleachdaidhean don choimhearsnachd timcheall caladh Obar Bhrothaig ris an canar Fit o' the Toun. Ri linn a' chleachdaidh frith-ainm a thoirt air daoine air an robh ainm ceudna, gheibhear sloinnidhean an-diugh leithid Spink (a' ciallachadh 'sùrdail, lùthmhor') is Swankie (on fhacal 'swank') a bhite ag ràdh ri neach air an robh an fhearas-mhòr.

Bhiodh còmhlain bainnse à Achadh Muthaich a' coiseachd on bhaile gu ruige Cill Fheichin le fìdhlear air an ceann. Bhite a' gabhail drama is a' dannsadh le sogan orra fad an slighe chun na h-eaglaise.

Aonghas

 

Bailtean

Achadh Muthaich • Baile Fharfair • Baile an Fhraoich • Birkhill • Breichinn • Bruach Tarbha • Càrn Ùstaidh • Càrn Mhìlidh • Ceann a' Mhonaidh • Ceathramh Mhoire • Cill Fheichin • Clàbha • Craichie • Drochaid Chreag Ìle • Dùn Dèagh • Dùn Neachdain • Earlaidh • East Haven • Èigil • Farnell • Glamas • Guthrie • Inbhir Chìollair • Kingsmuir • Letham • Newtyle • Memus • Menmuir • Monadh Fotha • Monadh Rois • Obar Bhrothaig • Obar Eilid • Obar Leamhnach • Ruadhainn • Srath Chatara • Srath Mhàrtainn • Tèalainn • Unthank

Beanntan

Dris • Glas Maol