Bha Seumas Hogg (1770 – 21 Samhain 1835; Beurla: James Hogg) ’na bhàrd agus ’na sgrìobhadair na Beurla agus na Beurla Gallta.
Nuair a bha e ’na òganach bha e an sàs ann an àiteachas mar bhuachaille agus cìobair, agus fhuair e a chuid fhoghlaim ’na aonar tro leughadh pearsanta. Bha e ’na charaid do mhòran sgrìobhadairean cliùiteach a bha beò san àm, Walter Scott ’nam measg. Fiù ’s sgrìobh Hogg eachdraidh-bheatha neo-oifigeil a’ bhàird. Bha e cliùiteach fon ainm "Cìobair Eadaraig" (The Ettrick Shepherd), is chleachd e am far-ainm sin nuair a dh’fhoillseachadh tòrr de na sgrìobh e. A thuilleadh air sin, chaidh an t-ainm sin a chleachdadh mar ainm caractair san t-sreath ainmeil Noctes Ambrosianae, a chaidh fhoillseachadh san iris Blackwood's Magazine. Tha e fhathast ainmeil ’nar làithean-ne airson na nobhail The Private Memoirs and Confessions of a Justified Sinner. Am measg nan rudan eile a sgrìobh e, tha dàin leithid The Queen's Wake (1813), cruinneachadh òran Jacobite Reliques (1819), agus dà nobhail eile, The Three Perils of Man (1822) agus The Three Perils of Woman (1823).
Seumas Hogg | |
---|---|
Beatha | |
Breith | Eadaraig, 9 dhen Dùbhlachd 1770 |
Dùthaich | Alba |
Bàs | Eadaraig, 21 dhen t-Samhain 1835 |
Foghlam | |
Cànain | A' Bheurla Ghallta Beurla |
Dreuchd | |
Dreuchd | bàrd, sgrìobhadair, nobhailiche, beatha-eachdraiche agus sgrìobhaiche òran |
Obraichean comharraichte | The Private Memoirs and Confessions of a Justified Sinner (en) |
Gnè ealain | Gothic literature (en) |
IMDb | nm0389710 |
This article uses material from the Wikipedia Gàidhlig article Seumas Hogg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.