Peter Paul Rubens (Siegen, 28 juny 1577 – Antwerpen, 30 maaie 1640) wie in keunstskilder, tekener en diplomaat, warber yn Antwerpen, en is sûnder mis de populêrste master út de Barok-perioade.
Hy wurdt ek wol Pieter Paul, Pieter Pauwel of Petrus Paulus neamd.
Rubens skildere yn in golle Barokke styl dy't de klam lei opbeweging, kleur en gefoeligens. Hy is fermeamd om syn Kontrareformaasje alterstikken, portretten, lânskippen en histoarjestikken mei mytologyske en allegoryske ûnderwerpen.
De styl fan Rubens is sekuer te omskriuwen, hy hearde ommers ta de Antwerpske Skoalle út de iere 17e iuw. Rubens' oeuvre wurdt skaaimerke troch de triomfearjende kontrareformatoaryske barok. Rubens is nei alle gedachten de wichtichste fertsjintwurdiger fan de Flaamske barok, alhoewol't er dúdlik Italjaanske ynfloed ûndergien hat. Guon fan syn portretten hawwe wol wat fan it absolutisme, mar in protte eks-voto's bliuwe dochs trou oan harren Flaamske aard.
Rubens krige in goede oplieding en wie in betûft fakman. Alles waard yn detail taret, in soad stúdzjes yn oaljeferve en tekeningen tsjûgje dêrfan. Ut de detaillearre sketsen dy't bewarre bleaun binne docht bliken dat Rubens syn wurk yn fasen ôfwurke.
Rubens mocht graach foarske froulju skilderje. De term 'Rubenesque' en 'Rubensiaansk' is algemien tapast wurden foar wieldrige, foarske froulju.
Belgje en Nederlân:
Bûtenlânske musea:
This article uses material from the Wikipedia Frysk article Peter Paul Rubens, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.