Lêsteken Obelisk
Lêstekens: punt fraachteken útropteken
| † ‡ |
| skrapke of komma apostrof breedteken of kapke
|
In obelisk of obelus (in krús), ek wol bekend ûnder de Ingelsk beneaming dagger ("dagge"), is in krúsfoarmich lêsteken (†, Unicode U+2020) mei in pear útienrinnende funksjes. Yn it foarste plak is it in fuotnoatteken, brûkt as in asterisk op in side al brûkt is, of yn guon gefallen foar einnoaten.
Der is ek in dûbele obelisk (‡, Unicode U+2021), dy’t gewoanwei as fuotnoatteken daliks nei de obelisk brûkt wurdt. Yn tsjinstelling ta de asterisk binne beide symboalen net op in konfinsjeel toetseboerd te finen.
De namme obelisk is ôflaat fan it Grykske obeliskos, wat lytse obelus betsjut. Dat komt fan it Grykske wurd obelos, wat safolle betsjut as briedspit en puntige pilaar.
In pear wenstige tapassings binne:
- Ferwizing nei in fuotnoat
- Efter de namme fan in persoan: oantsjutting dat de persoan stoarn is
- Efter de namme fan in biologyske taksonomyske groep: oantsjutting dat dy groep útstoarn is
- Yn de notaasje fan it skaken: oantsjutting dat de kening skaak stiet
Trivia
René Goscinny, de betinker fan de byldrige Asterix, basearre him op de namme fan dit lêsteken doe’t er de ivige freon fan de held út dat byldferhaal betocht. Obelisk folget Asterisk yn it ferhaal, krekt lykas de obelisk de asterisk folget yn de symboalen foar fuotnoaten.
| Boarnen, noaten en/as referinsjes: |
This article uses material from the Wikipedia Frysk article Obelisk (lêsteken), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.