Nico Jan Hoogma
Nico Jan Hoogma (It Hearrenfean, 26 oktober 1968) is in âld Nederlânsk fuotballer ôfkomstich út de provinsje Fryslân.
Berne yn It Hearrenfean, hat er nea foutballen foar SC Hearrenfean. Hoogma kaam út foar Cambuur Ljouwert, FK Twente, Hamburger SV en Herakles Almelo. Hy spile de measte wedstriden yn de ferdigening.
Karriêre
Hoogma spile lange tiid yn de jeugdalvetallen fan Cambuur, mar yn 1988, doe’t hy yn de A’s fan Cambuur spile besluet hy om werom te gean nei de amateurklup VV Drachten, doe útkommend yn de haadklasse. In jier letter, yn it seizoen 1989/1990, kaam Cambuur werom, hy gie, doe hast 21 jier, wer nei it proffuotbal en makke dat jier syn debút yn de Earste difyzje. Al gau krige hy in basisplak yn it earste alvetal. Yn 1991/1992 promovearre hy mei Cambuur nei de Earedifyzje. Tegearre mei syn trener Rob Baan gie hy, nei trije jier yn it earste fan Cambuur spile te hawwen, yn 1992 nei FK Twente ta, wêr’t hy de opfolger wurde moast fan Fred Rutten.
Ek by Twente krige Hoogma al gau in basisplak. Syn debút op 16 augustus 1992 waard dan wol ferlern mei 0-5 fan Feijenoord, dochs spile hy mei de klup in goed seizoen. Mei de winterstop stie de klup sels twadde, úteinlik wist hy mei syn ploech as fiifde te einigjen, wêrtroch Twente yn it Jeropeeske UEFA Kup-toernoai spylje mocht. Yn dit toernoai moast Twente yn de earste omgong spylje tsjin Bayer Múnchen út Dútslân. De twa wedstriden waarden mei 4-3 en 3-0 ferlern. Uteinlik spile Hoogma seis jier foar Twente, hjir spile hy 187 kompetysjewedstriden en tsien Jeropa Kup-wedstriden. Hjiryn skoarde hy 18 kear.
Yn 1998 gie Hoogma nei it Dútske Hamburger SV ta. Hjir belibbet Hoogma syn hichtepunten as proffuotballer. Yn 2001 wurdt hy de oanfierder fan de klup en spilet hy yn de Champions League. Yn 2003 wint HSV de Dútske Beker. Yn 2004, as Hoogma 35 jier is, komt hy werom nei Nederlân. Hoogma giet spyljen foar Herakles Almelo, dan noch spyljend yn de Earste difyzje. Yn syn twadde seizoen dêr, 2004/2005, wurdt hy kampioen yn dy kompetysje.
Yn totaal spilet Hoogma 525 kompetysjewedstriden, hy makket hjiryn 42 doelpunten. Hoogma spilet dan noch ien jier proffuotbal wêrnei't hy syn karriêre ôfslút.
Op 1 jannewaris 2007 giet Hoogma as algemien direkteur by Herakles oan de slach.
Statistieken
| Seizoen | Klup | Wedstriden | Doelpunten | Kompetysje |
|---|---|---|---|---|
| 1989/90 | SK Cambuur | 35 | 7 |  NED Earste difyzje |
| 1990/91 | Cambuur Leeuwarden | 34 | 1 | NED Earste difyzje |
| 1991/92 | Cambuur Leeuwarden | 29 | 2 | NED Earste difyzje |
| 1992/93 | FC Twente | 29 | 2 | NED Earedifyzje |
| 1993/94 | FC Twente | 33 | 5 | NED Earedifyzje |
| 1994/95 | FC Twente | 33 | 3 | NED Earedifyzje |
| 1995/96 | FC Twente | 31 | 2 | NED Earedifyzje |
| 1996/97 | FC Twente | 32 | 4 | NED Earedifyzje |
| 1997/98 | FC Twente | 25 | 1 | NED Earedifyzje |
| 1998/99 | FC Twente | 4 | 0 | NED Earedifyzje |
| 1998/99 | Hamburger SV | 30 | 1 |  Bundesliga |
| 1999/00 | Hamburger SV | 31 | 3 | Bundesliga |
| 2000/01 | Hamburger SV | 31 | 1 | Bundesliga |
| 2001/02 | Hamburger SV | 28 | 5 | Bundesliga |
| 2002/03 | Hamburger SV | 27 | 1 | Bundesliga |
| 2003/04 | Hamburger SV | 30 | 2 | Bundesliga |
| 2004/05 | Heracles Almelo | 33 | 2 | NED Earste difyzje |
| 2005/06 | Heracles Almelo | 30 | 0 | NED Earedifyzje |
| Totalen: | 525 | 42 |
Persoanlik
Hoogma is troud en hat trije bern. Hy wennet yn Oldensaal.
| Boarnen, noaten en/as referinsjes: |
http://www.vi.nl/Spelers/Speler/Nico-JanHoogma.htm Spilerspaspoort en statistiken - Voetbal International] |
This article uses material from the Wikipedia Frysk article Nico Jan Hoogma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.