N'djamena
N’Djamena (oant 1973 Fort-Lamy; Arabysk نجامينا|) is de haadstêd fan de republyk Tsjaad en tagelyk de grutste stêd fan it lân.
De stêd is in haven oan de rivier Chari en leit rjocht tsjinoer de stêd Kousséri yn Kameroen, dêr't it troch in brêge mei ferbûn is. De regio N'Djamena is ferdield yn 10 arrondisseminten. It is fierders de regionale merk foar fee, sâlt, nôt, dadels en in moetingsplak fan belang. De measte yndustry hâldt har dwaande mei it ferwurkjen fan fleis, fisk en it bewurkjen fan katoen. Alhoewol't de stêd is soad te lijen hân hat fan de boargeroarloggen yn Tsjaad (sûnt 1965) hat it syn posysje as ekonomysk sintrum fan Tsjaad hanthavenje kinnen.
| N'Djamena | ||
 | ||
| Polityk | ||
| Lân | Tsjaad | |
| Regio | N'Djamena | |
| Boargemaster | Marie Thérèse Mbailemdana (2010) | |
| Sifers | ||
| Ynwennertal | stêd: 993,492 (2009) | |
| Stêdekloft | 1.518.988 | |
| Hichte | 298 m | |
| Oar | ||
| Stifting | 29 maaie 1900 | |
| Koördinaten |
| |
Dêr binne twa universiteiten, in Frânsktalige (1971) en in Arabysktalige (1991) en skoallen foar administratyf ûnderwiis en de oplieding ta bistedokter.
De stêd hat in ynternasjonale lofthaven. N'Djamena is it eastlik einpunt fan de Trans-Saheliaanske Hearrewei, en is mei East-Afrika ferbûn troch de Ndjamena-Dzjibûty Hearrewei. De grutte dyk fan Tripoly nei Kaapstêd rint ek troch N'Djamena, sadat it in ferkearsknooppunt fan belang is yn Sintraal-Afrika. De rivieren Chari en Logone, eartiids de wichtichste ferbining nei bûten ta, hawwe net folle mear te betsjutten foar hannel en ferkear.
De stêd waard yn 1900 troch de Frânsken stifte ûnder de namme Fort Lamy, neamd nei de Frânske legeroanfierder François Joseph Lamy dy't dêr dat jier krekt sneuvele wie.
Foto's N'Djamena
De foto's binne nei alle gedachten út 1960-69, Fort Lamy
-
Ruters yn Fort Lamy -
Strjitten N'Djamena. -
Strân oan de Chari, N'Djamena. -
Tydlik radiostasjon fan de NOAA ûnder N'Djamena.
Susterstêden
Keppelings om utens
This article uses material from the Wikipedia Frysk article N'Djamena, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.