1362 Sint-Marsellusfloed
De twadde Sint-Marsellusfloed of Earste Grutte Mandrenke (grutte ferdrinking fan minsken) wie fan 15 op 16 jannewaris yn it jier 1362, op de dei dat de hillige Marsellus betocht wurdt.
Op 15 jannewaris 1219 wie de earste Sint-Marsellusfloed.
De oerstreaming trof alle lannen om de Noardsee hinne. De Dútske kronykskriuwer Anton Heimreich melde dat it wetter (as gefolch fan de opstowing yn de Noardsee) yn Sleeswyk-Holstein riisde ta goed 4 jellen (goed 2,4 meter) boppe de diken en 21 dyktrochbraken feroarsake. Yn Noard-Fryslân waarden de stêd Rungholt en noch 7 oaren troch it wetter weispield en goed 7.600 minsken ferdronken.
Yn Nederlân wienen de gefolgen like desastreus. Lâns de hiele kust brutsen diken troch en grutte parten fan Nederlân rekken ûnder wetter.
It krekte oantal slachtoffers is net wis. De skattingen rinne útien fan 25.000 oant 40.000 en sels fan 100.000 slachtoffers; mar dat is wierskynlik fierstente folle.
Sjoch ek
- de earste Sint-Marsellusfloed (1219)
- de Burchardifloed ofwol Twadde Grutte Mandrenke (1634)
This article uses material from the Wikipedia Frysk article Sint-Marsellusfloed (1362), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.