Assen Joazeftsjerke
De Joazeftsjerke (Jozefkerk, foarhinne de Grutte Tsjerke) is in protestantske tsjerke yn Assen.
De tsjerke waard oan de doedestiidske râne fan de stêd boud nei't de âlde kleastertsjerke oan de Brink te lyts waard foar it tanimmende ledetal fan de gemeente.
| Joazeftsjerke Jozefkerk | ||
| bouwurk | ||
 | ||
| lokaasje | ||
| lân |  Nederlân | |
| provinsje |  Drinte | |
| plak |  Assen | |
| adres | Kerkplein 1 | |
| bysûnderheden | ||
| type bouwurk | Tsjerke | |
| boujier | 1844-1848 | |
| arsjitekt | C.J. Spaan | |
| boustyl | Neoklassisisme | |
| monumintale status | ryksmonumint | |
| monumintnûmer | 8411 | |
| offisjele webside | ||
| Joazeftsjerke | ||
Skiednis
Foar de jimmeroan grutter wurdende gemeente wie noch foar de bou fan de hjoeddeiske tsjerke de eardere kleastertsjerke (ek Marijetsjerke) al ferskate kearen fergrutte. Yn 1840 sette de gemeente prikken yn it wurk om in gruttere, folslein nije tsjerke op in oar plak te bouwen. Der waard jild ynsammele en nei fjouwer jier slagge it de gemeente de begrutting slettend te krijen. Der kaam in tsjerke yn klassisistyske styl nei in ûntwerp van C.J. Spaan, de haadingenieur fan it ministearje fan Wettersteat en Publike Wurken. De bou foldocht oan de eigenskippen fan in typyske wettersteatstsjerke en waard op 30 april 1848 iepene.
Op 13 juny 1910 waard troch ynslach fan de bliksem de toer fan de Grutte Tsjerke troffen. Fanwegen de hichte wie de brân min te dwêsten en sadwaande moast de toer troch in nije toer neffens in ûntwerp fan de Grinzer arsjitekt Huurman ferfongen wurde. Ek it oargel van Van Dam út 1896 rekke troch wetterskea skansearre.
Restauraasje
Yn it begjin fan de jierren 1980 folge in restauraasje fan de tsjerke. By dizze restauraasje waarden ek in tal feroarings oan it gebou ûngedien makke. Tichtmitsele finsters waarden wer iepen brutsen, de banken yn de tsjerke waarden wer yn de oarspronklike opset opsteld en de preekstoel kaam wer oan de noardlike muorre te stean. It yn de jierren 1930 ferlege ferwulft bleau lykwols hanthavene. Tidens de restauraasje waard ek it oargel mei de oanfolling fan in tal net mear oanwêzige registers wer yn de oarspronklike steat werom brocht. De earste tsjinst nei de restauraasje fûn op snein, 4 july 1982 plak.
Foar it lêst waard yn 2008 grut ûnderhâld en inkelde modernisearings oan foarsjennings útfierd.
| Boarnen, noaten en/as referinsjes: | ||
|
This article uses material from the Wikipedia Frysk article Joazeftsjerke (Assen), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.