Donato Giancola
Donato Giancola (Colchester (Fermont), 1967) is in Amerikaansk yllustrator en boekbânûntwerper fan etnysk Italjaansk komôf.
Hy hat him spesjalisearre yn it meitsjen fan keunst dy't heart ta de sjenres fan fantasy en science fiction. Giancola, dy't yn 'e Italjaanske keunstnerstradysje faak inkeld mei syn foarnamme Donato oantsjut wurdt, hat 3 kear in Hugo Award wûn en dêropta in World Fantasy Award en 18 Chesley Awards.
| Donato Giancola | ||
 keunstner | ||
| persoanlike bysûnderheden | ||
| echte namme | Donato Giancola | |
| nasjonaliteit |  Amerikaansk | |
| berne | 1967 | |
| berteplak | Colchester (Fermont) | |
| etnisiteit |  Italjaansk | |
| wurkpaad | ||
| wurksum as | yllustrator, boekbânûntwerper | |
| jierren aktyf | 1989 – no | |
| prizen | 3x Hugo Awards 1x World Fantasy Awards 18x Chesley Awards | |
| offisjele webside | ||
| www.donatoart.com | ||
Libben en karriêre
Giancola waard yn 1967 berne, en is hikke en tein yn Colchester, op it plattelân fan 'e Amerikaanske steat Fermont, yn 'e neite fan Burlington. Hy die earst in stúdzje elektrotechnyk oan 'e Universiteit fan Fermont, mar briek dy yn 1989 ôf om in keunstoplieding te folgjen oan 'e Syracuse Universiteit, yn Syracuse yn 'e steat New York. Dêr studearre er yn 1992 ôf mei in bachelortitel. Tsjintwurdich wurket Giancola yn 'e New Yorkske borough Brooklyn, dêr't er wennet mei syn frou en beide dochters.
Giancola omskriuwt himsels en syn keunst as in "klassyk-abstrakt reälist dy't mei science fiction en fantasy wurket". Syn favorite keunstners út it ferline binne Hans Memling, Jan van Eyck, Diego Velázquez, Caravaggio, Johannes Vermeer, Piet Mondriaan, Rembrandt van Rijn, Peter Paul Rubens en Tytsiaan. Sels waard Giancola it bekendt troch syn yllustraasjes fan it sammelderskaartspul Magic: The Gathering. Under fans fan dat kaartspul is er wiidferneamd en stiet er heech yn oansjen. Dêrnjonken hat Giancola ek omslaggen makke foar romans, û.m. foar de útjouwerij DAW Books. Dêrûnder binne twa dielen fan 'e Foreigner-searje fan C.J. Cherryh (Pretender en Deliverer) en it grutste part fan 'e Green Rider-searje fan Kristen Britain (The High King's Tomb, Blackveil, Mirror Sight en Firebrand).
Yn 2008 waard Giancola yn 'e krante de Bennington Banner omskreaun as "wierskynlik de populêrste en súksesfolste science fiction/fantasy-keunstner fan dit momint". Giancola wûn yn 2006, 2007 en 2009 de prestizjeuze Hugo Award foar bêste profesjonele omslachkeunstner; dêrnjonken hat foar dyselde priis noch seis oare kearen nominearre west. Yn 2004 wûn er fierders de World Fantasy Award foar bêste keunstner, en teffens hat er troch de jierren hinne mar leafst 18 Chesley Awards fan 'e Association of Science Fiction and Fantasy Artists (ASFA) binnenhelle, wêrûnder yn 2002 de Chesley Award yn 'e kategory grutste artistike prestaasje.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Donato Giancola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.