Dimitri van Toren, echte namme: Jan van Tooren (Breda, 16 desimber 1940 – Reusel, 21 maaie 2015) wie in Nederlânsk sjonger en ferdivedaasjekeunstner.
Dimitri van Toren | ||
sjonger en/of muzikant | ||
Dimitri van Toren (1974) | ||
persoanlike bysûnderheden | ||
echte namme | Jan van Toren | |
nasjonaliteit | Nederlânsk | |
berne | 16 desimber 1940 | |
berteplak | Breda | |
stoarn | 21 maaie 2015 | |
stjerplak | Reusel | |
wurkpaad | ||
sjenre | trûbadoer | |
sjongtaal | Nederlânsk | |
ynstrumint | Gitaar | |
jierren aktyf | 1963-2015 |
Nei de middelbere skoalle studearre er oan de Akademy foar de Frije Keunst. Yn 1963 die er mei oan in talintejacht en waard twadde. Van Toren syn karriêre begûn by de groep The Headlines, dy't de single De nozempjes útbrochten. Letter siet Van Toren yn de groep The Lettersets en sette er út ein mei it skriuwen fan eigen teksten en lietsjes. Nei it opheffen fan dy band gie er solo fierder om syn eigen nûmers út te fieren. Yn 1966 kaam syn earste lp út. Van Toren waard bekend mei syn hits Hé, kom aan (1973), Een lied voor kinderen en Mooi, je bent de mooiste. Totaal hat er mear as tweintich lp's útbrocht.
Yn de jierren tachtich woe Van Toren wat mear ta rêst komme en ferfear nei Yndia. Dat smiet yn 1990 in nij album op, ynspirearre troch de Yndiaaske kultuer ûnder de titel Alsof de maan de aarde kust. Ien fan de nûmers wie wer Hé, kom aan, ditkear foar ien kear yn 'e mande mei Flairck.
Van Toren wenne sûnt 1994 yn Brabân, yn Reusel. Hy stoar nei in slimme sykte yn de âldens fan 74 jier.
Boarnen, noaten en/as referinsjes: |
|
This article uses material from the Wikipedia Frysk article Dimitri van Toren, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.