Catalina Cruz

Hja sette yn 2000 útein mei in karriêre yn 'e Amerikaanske pornoyndustry, wêrby't hja har net sasear talei op it spyljen yn films, mar mear op it fersprieden fan eigen materiaal fia har webside. Yn 2009 wûn Cruz de AVN Award foar ynternetstjer fan it jier.

Catalina Cruz
persoan yn de seksyndustry
persoanlike bysûnderheden
oare artyste-        nammen	Jenna Z, JennaZ
echte namme	?
nasjonaliteit	Amerikaansk
berne	14 septimber 1979
berteplak	Cleveland (Ohio)
etnisiteit	Dútsk Sloveensk
wurkpaad
wurksum as	neakenmodel, webcamgirl, pornoaktrise, produsinte
jierren aktyf	2000 – no
offisjele webside
www.catalinacruz.com

Cruz waard yn 1979 berne yn 'e stêd Cleveland, yn 'e Amerikaanske steat Ohio, mar groeide op yn it lytsere plak Brunswick. Ein jierren njoggentich krige se ûnder de namme Jenna Z (ek wol oaninoar skreaun as JennaZ) in beskate bekendheid mei wurk as fitnessmodel dat se as bybaantsje die njonken har foltiidswurk as siktaresse. Yn dy snuorje waarden der fotoreportaazjes fan har opnommen yn tydskriften as MuscleMag International en American Curves. Letter begûn Cruz neaken te posearjen, bgl. yn Splat Magazine, en sa rekke se fia-fia by de Amerikaanske pornoyndustry belutsen.

 

Cruz makke yn novimber 2000 har debút as pornoaktrise yn pornografysk materiaal op har eigen webside. Yn 't earstoan wurke se noch ûnder de namme Jenna Z, en hie se kupmaat 32C, mar letter liet se har boarsten fergrutsje nei in DD-kup en feroare se har namme yn 'Catalina Cruz'. Yn in fraachpetear op 'e webside LukeIsBack.com joech se dêr as ferklearring foar dat har "op frijwol deistige basis ferteld waard dat ik op [de Spaanske filmaktrise] Penélope Cruz lykje, mar dan mei grutte titen." Hoewol't se fanwegen har dûnkere uterlik en Spaanske skûlnamme 'Cruz' yn 'e regel as in Latina beskôge wurdt, sprekt Cruz eins gjin Spaansk en is se fan mingd Sloveensk en Dútsk etnysk komôf.

Hoewol't Cruz yn 2007 en 2008 yn fjouwer pornofilms fan it foaroansteande label Adam & Eve spile, hat se har benammen konsintrearre op it meitsjen fan pornografysk materiaal foar har eigen websiden. Dêrby hat se sawol solo-, lesbyske as heteroseksuële sênes dien, anale seks ynbegrepen. Hja leit har lykwols benammen ta op orale sekssênes, en hat dêrfoar twa parodywebsiden oprjochte, LicensedToBlow.com (oangeande fellatio) en LisencedToLick.com (oangeande kunnilingus), wêrby't se de draak stekt mei har eigen sabeare superieure orale feardichheden troch oare pornostjerren yn sok wurk te beoardieljen en sifers te jaan. Al har trije websiden binne oansletten by it Fantasy Girl Entertainment Network. Yn 2009 wûn Cruz foar har ynternetwurk de AVN Award (de Oscar fan 'e pornowrâld) yn 'e kategory ynternetstjer fan it jier. Yn 2011 waard se nochris nominearre foar de AVN Award yn dyselde kategory.

Catalina Cruz is blank en hat brún hier en brune eagen. Neffens har offisjele opjefte is se 1.60 m lang, mei in gewicht fan 48 kg. Hja hat in atletyske lichemsbou, mei kupmaat 32DD, wêrfoar't se in boarstfergruttingsoperaasje ûndergien hat. (Har behamaat wurdt ek wol oanpriizge as 32E of 70E, mar dat komt op itselde del as 32EE.) Cruz hat gjin piercings, mar se hat tatoeaazjes op har rjochterûnderearm en har rjochterankel. Teffens hat se in ûnderrêchtatoeaazje.

• (in) Offisjele webside fan Catalina Cruz
• (in) Biografy en filmografy fan Catalina Cruz yn 'e Internet Movie Database (IMDb)
• (in) Biografyske gegevens en filmografy fan Catalina Cruz yn 'e Internet Adult Film Database (IAFD)
• (in) Biografyske gegevens fan Catalina Cruz op FreeOnes
• (in) Beheinde biografy fan Catalina Cruz

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons    Ofbylden dy't by dit ûnderwerp hearre, binne te finen yn de kategory Catalina Cruz fan Wiki Commons.