Astuerje

Astuerje, dat yn syn hjoeddeiske foarm oprjochte waard yn 1982, is sawol in selsstannige regio as in provinsje.

Astuerje
Flagge	Wapen
Lokaasje yn Spanje
Algemien
Haadstêd	Oviedo
Oerflakte	10.604
Befolking	1.076.635
Befolkingstichtens	101,53
Oare ynformaasje
Heechste punt
Provinsjes	Astuerje

Astuerje leit oan de Golf fan Biskaje en grinzet oan de Spaanske regio's Galysje, Kantaabrje en Kastylje en León. Parallel oan de kust leit it Kantaabryske Berchtme, dêr't de Picos de Europa it heechste part fan foarmet.

It sintrale diel fan de regio is frij flak en dêr wennet ek it grutste part fan de befolking. De haadstêd is Oviedo, dêr't om-ende-by 210.000 minsken wenje. Dochs is de havenstêd Gijón it plak dêr't de meast minsken wenje. In oare wichtige havenstêd is it lytsere Avilés.

Wat de temperatuer oanbelanget hat Astuerje in relatyf sjoen evenredich seeklimaat dat yn de simmer tige populêr is by toeristen, benammen út de haadstêd fan it lân Madrid.

Omdat Astuerje tidens de Moarske oerhearsking ien fan de lêst oerbleaune kristlike gebieten fan Spanje wie, krijt de Spaanske troanopfolger fansels de titel Prins fan Astuerje (Spaansk: Principe de Asturias).

Astuerje hat ferskate flagen. Njonken de deistige flage is der in ferzje foar binnen, dêr't it krús middenop de flage by stiet, en in seremoniële ferzje, dêr't it krús op werjûn is as sieten der fonkelstienen op.

autonome mienskippen fan Spanje
Andalûsje • Aragon • Astuerje • Baleären • Baskelân • Ekstremadoera • Falinsia • Galysje • Kanaryske Eilannen • Kantaabrje • Kastylje en Leön • Kastylje-La Mansja • Kataloanje • Madrid • Moersia • Navarra • La Riocha
autonome stêden fan Spanje
Ceuta • Melilla