Corán

Tamién se lo conoci, en luenga árabi, Al Qur'an Al Karim o nobli Corán. Hue rebelau por Dios al profeta Mahoma (Muhammad, محمد) por meiu del ángel Gabriel (Yibrail o Yibril, جبريل). Duranti la via el profeta Mahoma, las revelacionis huerun trasmitías oralmenti o escrevías en ojas de palmeras, trozus de cueru o uesus. A la muerti el profeta, en 632, los sus siguioris escomençarun a reunil estas revelacionis, que duranti el Califatu d'Utman ibn Affan (عثمان بن عفان) tomarun la horma que tien ogañu, 114 capítulus (azoras, سورة), ca unu deviiu en versículus (aleyas, آيات).

El Corán toma muchus pressonajis que aparecin enos librus sagraus del judaísmu i el cristianismu (Tanaj i Biblia) i ena literatura devota (por ejemplu, los librus apócrifus), con muchas deferencias en detalli. Pressonajis del mundu ebreu i cristianu comu Adán, Noé, Abraham, Moisés, Jesús de Nazaret i Juan Bautista aparecin mencionaus comu profetas islámicus.

Sura 97 – El destinu (Al-Qadr)

En el nombri de Alá, el Compasivu, el Misericurdiosu!

1. Lo hemus revelau ena nochi el Destinu.
2. I cómu sabrás qué es la nochi el Destinu?
3. La nochi el Destinu val mas de mil mesis.
4. Los ángelis i el Espíritu enciendin en ella, con premisu del su Señor, pa fixá-lu tou.
5. Es una nochi de pas, ata el esmanecel!

• إِنَّا أَنزَلْنَاهُ فِي لَيْلَةِ الْقَدْرِ
• وَمَا أَدْرَاكَ مَا لَيْلَةُ الْقَدْرِ
• لَيْلَةُ الْقَدْرِ خَيْرٌ مِّنْ أَلْفِ شَهْرٍ
• تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ
• سَلَامٌ هِيَ حَتَّى مَطْلَعِ الْفَجْرِ

Bismi-llāhi-r-raĥmāni-r-raĥīmi

1. 'Innā 'anzalnāhu fī laylati al-qadri
2. Wa mā 'adrāka mā lailatu al-qadri
3. Lailatu al-qadri khayrun min 'alfi shahrin
4. Tanazzalu al-Mmalā'ikatu wa ar-rūĥu fīhā bi'idhni rabbihim min kulli 'amrin
5. Salāmun hiya ĥatta maţla`i al-fajri

• Quran Word by Word // QuranAcademy.org
• Al-Quran (Corán online) mas de 140 traduzionis en 35 lenguas.
• Mensahi el Corán
• El Sagrado Corán

•   En Commons ai conteníu multimedia sobre Corán.