Un alicópteru es una aeronavi que es sustenta i propulsa pol unu o más rotoris orizontalis, ca unu hormau pol dos o más aspas.
Los alicópterus están crasificaus cumu aeronavis de alas giratorias, pa destinguilus delas aeronavis de ala fija, polque los alicópterus crean sustentación con las palas que rotan alredeol dun eji vertical.
La prencipal ventaja delos alicópterus vieni dá pol el rotol, que propolciona sustentación sin que la aeronavi se esti desplazandu. Estu permiti realiçal despegues i aterriçajis verticalis sin necesida de pista. Pol esta raçón, los alicópterus se gastan a menudu en çonas congestionas o aislas ondi los avionis nu puein despegal o aterriçal. La sustentación del rotol tamién hazi posibli que el alicópteru puei mantenelsi volandu en una çona de horma muchu más eficienti dela que podría otra aeronavi VTOL (de despegue y aterriçaji verticalis), i puei hazel tareas que una aeronavi de ala fija nu podría.
Comparau con otrus tipus de aeronavi cumu el avión, el alicópteru es muchu más complehu, tien un mayol costu de habricación, gastu i mantenimientu, es relativamenti lentu, tien menus autonomía de vuelu i menol capacida de carga. No obstanti, toas estas desventajas se ven compensas pol otras delas sus caraterísticas, cumu la su gran maniobrabilida i la capacida de mantenelsi estáticu nel airi, giral sobri sí mesmu, despegal i aterriçal verticalmenti. Si nu se consideran aspetus talis cumu la posibilida de repostahi o las limitacionis de carga i de altol, un alicópteru puei viajal a qualquiel lugal i aterriçal en qualquiel sitiu que tenga la suficienti superfici (dos vezis la ocupa pol el aparatu).
This article uses material from the Wikipedia Estremeñu article Alicópteru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.