Zelula dendritikoa (grezieratik: δένδρον, zuhaitza, adar asko dituztelako) immunitate-sistemaren zelula mota bat da.
Bere eginkizun nagusia antigenoak hartu eta immunitate-sistemaren beste zelula batzuei aurkeztean datza, zelula horiek -Th linfozitoak- aktiba daitezen.
| Zelula dendritiko | |
|---|---|
 Zelula dendritikoak larruazalean  Irudi gehiago | |
| Xehetasunak | |
| Identifikadoreak | |
| MeSH | A11.436.270, A15.382.066.270 eta A15.382.670.260 A11.066.270, A11.436.270, A15.382.066.270 eta A15.382.670.260 |
| TH | H1.00.01.0.00038 |
| FMA | 83036 |
| Terminologia anatomikoa | |
Antigenoak ezagutzeko, B eta T linfozitoek zelula antigeno-aurkezleen lankidetza behar dute. Zelula antigeno-aurkezle garrantzitsuenak makrofagoak dira, fagozitosia egin ondoren antigenoak aurkezten dituztenak.
Zelula dendritikoak ere antigeno-aurkezle garrantzitsuak dira eta, horretaz gain, ahalmen fagozitikoa dute. Beraz, zelula dendritikoek eta makrofagoek antigenoak irentsi eta lantzen dituzte, eta Th zelulei aurkezten dizkiete. Azken zelula hauek B linfozitoak aktibatzen dituzte, askatzen dituzten zitokinen bidez, eta B linfozitoek -azkenik- antigeno arrotzak deuseztatzen dituzte ekoizten dituzten antigorputzei esker.
Zelula dendritikoak gongoil linfatikoetan, timoan eta arnas eta digestio-aparatuen mukosetan daude. Larruazalean ere ugariak dira, bertako zelula dendritikoak Langerhans-en zelulak deitzen direlarik.
Haien morfologia dela eta, hasieran nerbio-sistemaren zelulak zirela uste izan zen.
Odol-zelula guztien antzera, zelula dendritikoak hematopoiesiaren bidez sortzen dira.
Datuak: Q506253
Multimedia: Dendritic cells / Q506253This article uses material from the Wikipedia Euskara article Zelula dendritiko, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
