Txakur afganiarra ehiza-txakur ikusgarria da, erbi-txakurra, NFZren arraza sailkapenean 10.
taldekoa, hau da, xarlagoen artekoa. Ilaje bereizgarria du, oso luzea, fina eta zeta-antzekoa, eta etengabeko zainketa behar du, korapilatu egiten baita eta distira galtzen baitu.
| Txakur afganiar | |
|---|---|
| Txakur arraza | |
 | |
| Espeziea | Canis lupus familiaris |
| Jatorria | Afganistan |
| Altuera | arra: 68 cm gutxienekoa arra: 74 cm gehienez emea: 63 cm gutxienekoa emea: 69 cm gehienez |
| Bizi-itxaropena | 12 eta 14 |
| Katalogo kodea | 228 |
Baliteke arraza honen jatorria saluki arrazan egotea, Persiaren bidez Afganistanera iritsiko zena. Afganistanen, salukiak ilaje egokiagoa beharko luke herrialde honetako mendietako klima gogorrerako, eta hortik egingo zen bereizgarria ezaugarri hori.
Arraza honen antzinatasuna ez dago dokumentatua, lehenengo erregistroak XIX. mendekoak dira.
1880. urtean, afganiar eta britainiarren arteko gerra amaitu zenean, britainiar armadako ofizialek txakur horietako batzuk eraman zituzten Britainia Handira. Txakur hazleen eta arrazen zaletuen artean berehalako arrakasta handia izan zuen, eta pedigriak eta arrazak sailkatzen zituen Kennel Klub britainiarrak azkar definitu zuen arraza gisa.
Datuak: Q21080
Multimedia: Afghan Hound / Q21080This article uses material from the Wikipedia Euskara article Txakur afganiar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
