Triglav Parke Nazionala

Triglav mendiak (2.864m) ematen dio izena, Esloveniako mendi altuenak. 880 km²-ko azalera hartzen du.

Bi ibai handi bertan sortzen dira eta haranetan zehar lurraldea zeharkatzen dute; Soča, Adriatikora doana eta Sava, Itsaso Beltzera doana.

Glaziar jatorriko aintzirak ere badaude, ezagunena Bohinj aintzira da. Ur-jauziak ere badaude, Boka (106m) eta Savica (78m) esaterako. Azkenik aipatzekoa da Bledeko Vintgar arroila.

Albin Belar sismologiak Triglaveko aintziren harana babesteko proposamena egin zuen 1906 edo 1908an baina ez zn haintzat hartu. 1924an ordea Esloveniako museo elkarteak eta Esloveniako mendizale elkarteak 14 km²-ko eremua babestu zuen.

1961ean 20 km²-tara handitu zuten eta ofizialki Triglav Parke Nazionala izena erabili zen. 1981ean asko zabaldu zuten, 838 km²-taraino. 2010an Kneške Ravne barneratu zuen eta 880 km²-tako azalera hartu zuen, Eslovenia guztiko azaleraren %4a.

•  
  Triglav mendia (2.864m).
•  
  Škrlatica mendia (2.740m).
•  
  Vogel eski estazioa.
•  
  Tamar harana.
•  
  Bohinj aintzira.
•  
  Bohinj aintzira.
•  
  Vintgar arroila (Bled).
•  
  Savica ur-jauzia.
•  
  Peričnik ur-jauzia.
•  
  Pagadiak.

• (Ingelesez)(Eslovenieraz)(Alemanez) Parkearen webgune ofiziala