Teresa Solana: Idazle katalana

Bere lana ingelesera, frantsesera, alemanera, esperantora, italierara eta gaztelaniara itzuli da.

Teresa Solana
Bizitza
Jaiotzako izen-deiturak	Teresa Solana i Mir
Jaiotza	Bartzelona, 1962ko maiatzaren 15a (61 urte)
Herrialdea	Katalunia
Hezkuntza
Heziketa	Bartzelonako Unibertsitatea
Hizkuntzak	gaztelania katalana
Jarduerak
Jarduerak	idazlea eta itzultzailea
Jasotako sariak	ikusi Premi Roc Boronat  (2017) Edgar Awards
Genero artistikoa	nobela beltza

Filosofian eta Filologia Klasikoan lizentziaduna da Bartzelonako Unibertsitatean. Bere ibilbide profesionala itzulpengintza izan da, gehienbat frantsesetik eta ingelesetik. Arlo horretan, espainiar estatuko itzulpen-etxe bakarraren zuzendaria izan da, Tarazonan, 1998 eta 2004 artean. Itzulpengintzari buruzko zenbait artikulu eta saiakeren egilea ere bada.

2006an argitaratu zuen bere lehen eleberria, Un crim imperfecte, eta lan horrekin 21. Brigada Saria irabazi zuen. Eduard eta Borja Masdéu ikertzaile bikiak agertzen diren lehen istorioa da. Ondoren, Drecera al paradís argitaratu zuen, protagonista berberekin. 2010ean argitaratu zuen bere lehen eta, orain arte, ipuin bilduma bakarra, Set casos de sang i fetge i una història d 'amor. 2013an Edgar Allan Poe Sarian parte hartu zuen Natura quasi morta 41 ipuinarekin. Negres tempestes eleberria ere argitaratu du. Bertan agertzen da lehen aldiz Norma Forester ikertzailea, eta harekin irabazi zuen III. Crims Tinta Saria. 2011n L´hora del zen argitaratu zuen, berriz ere Ediciones 62 argitaletxearekin eta Eduard eta Borja Masdéurekin. 2014. urtearen hasieran bere zazpigarren eleberria argitaratu zen, La casa de les papallones, Norma Forester protagonista zuena. Campanades de boda (2016) ikertzaile bikiak ditu protagonista. Matèria grisa-k, hau ere genero beltzean sartua, Roc Boronat 19. saria irabazi zuen. Bere azken eleberria Octubre da eta 2019ko urriaren 12an argitaratu zen, berriz ere protagonista Norma Forester ikertzailea delarik.

• Solana, Teresa (2006). Un crim imperfecte. El balancí. Edicions 62. p. 256. ISBN 978-84-297-5880-1.
• Solana, Teresa (2007). Drecera al paradís. El balancí. Edicions 62. p. 288. ISBN 978-84-297-6015-6.
• Solana, Teresa (2010). Set casos de sang i fetge i una història d'amor. El balancí. Edicions 62. p. 152. ISBN 978-84-297-6368-3. 
• Solana, Teresa (2010). Negres tempestes. La negra. La Magrana. p. 224. ISBN 978-84-8264-137-9. 
• Solana, Teresa (2011). L'hora zen. El balancí. Edicions 62. p. 320. ISBN 978-84-297-6853-4. 
• Solana, Teresa (2014). La casa de les papallones. La negra. La Magrana. p. 240. ISBN 978-84-8264-670-1. 
• Solana, Teresa (2016). Campanades de boda. El balancí. Edicions 62. p. 208. ISBN 978-84-297-7218-0. 
• Solana, Teresa (2017). Matèria grisa. Amsterdam. Ara Llibres. p. 148. ISBN 9788416743001. 
• Solana, Teresa (2019). Octubre. Crims.cat 45. Alrevés. p. 225. ISBN 9788417847111.