Sex-shopa (ingelesez: sex shop, hitzez hitz «sexu denda») edo denda erotikoa sexu-jostailuak eta material erotikoak saltzen dituen denda bat da.
Bibradoreak, dildoak, linjeria, pornografia eta arropa erotikoa saldu ohi dira bertan. Munduko lehen sex-shopa Flensburgen, Mendebaldeko Alemanian, ireki zen 1962an. Gaur egun, munduko hiri askotan zein online aurki daitezke sex-shopak. Sex-shopak sexu-industriaren ataletako bat da.
Denda erotikoak legeak erregulatu ohi ditu eta, beraz, haien egoera aldatu egiten da herrialde eta jurisdikzio batetik bestera. Ohikoena da adingabeek sarrera debekatua izatea, eta adin hori legearen araberakoa izango da. Leku batzuetan denda erotikoak eta haiek saldu ohi dutena debekatuta daude. Beste leku batzuetan baimenduta daude, eta film pornografikoak erakusteko lekuak dituzte, edo striptease nahiz peep showak eskaintzen dituzte. Helduentzako filmak eskaintzeko zinema bat ere egoten da batzuetan.
Internet bidez saltzen duten denda erotikoak ere badira. Horiek hazten joan dira azken urteotan, kontsumitzaileak pribazitate handiagoa duelako eta bere etxetik egiten duelako erosketa.
This article uses material from the Wikipedia Euskara article Sex-shop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
