Onintza Enbeita Maguregi (Muxika, Bizkaia, 1979ko maiatzaren 19a) euskal bertsolaria, kazetaria, feminista eta abertzalea da, horretaz gain diputatua izan zen Espainiako Gorteetan 2012tik 2016ko tartean.
2018ko Bizkaiko Bertsolari txapelduna izan da, txapela lortu duen lehen emakumezkoa da.
| Onintza Enbeita | |||||
|---|---|---|---|---|---|
 | |||||
2016ko urtarrilaren 12a - 2016ko maiatzaren 3a Barrutia: Bizkaia Hautetsia: 2015eko Espainiako hauteskunde orokorrak
2012ko ekainaren 19a - 2015eko urriaren 27a ← Iñaki Antiguedad Barrutia: Bizkaia Hautetsia: 2011ko Espainiako hauteskunde orokorrak | |||||
| Bizitza | |||||
| Jaiotzako izen-deiturak | Onintza Enbeita Maguregi | ||||
| Jaiotza | Muxika, 1979ko maiatzaren 19a (44 urte) | ||||
| Herrialdea |  Bizkaia, Euskal Herria | ||||
| Familia | |||||
| Anai-arrebak | ikusi | ||||
| Hezkuntza | |||||
| Heziketa | Euskal Herriko Unibertsitatea | ||||
| Hizkuntzak | euskara gaztelania | ||||
| Irakaslea(k) | Jon Lopategi | ||||
| Jarduerak | |||||
| Jarduerak | kazetaria, idazlea, bertsolaria eta politikaria | ||||
| Lantokia(k) | Madril | ||||
| Genero artistikoa | olerkigintza | ||||
| Sinesmenak eta ideologia | |||||
| Alderdi politikoa |  Eusko Abertzale Ekintza AmaiurAskatasuna .svg){kind=small} Euskal Herria Bildu | ||||
Onintza Enbeita Muxikan jaio zen eta bertan bizi, bere gurasoak ere bertakoak izanik. Hiru ahizpa dira, bera gazteena.
Euskal Herriko Unibertsitatean Kazetaritza ikasi eta gero, Euskal Kulturgintzaren Transmisioa (Mondragon Unibertsitatea) eta Agroekologia (UPV/EHU) graduondokoak ikasi zituen. Hainbat hedabideekin aritu izan da kolaborazioak egiten: Euskaldunon Egunkarian, Berrian, Argian, Busturialdeako Hitzan, AIZU! aldizkarian, Bizkaiko Hitzan, Matraka eta Frida aldizkarietan, Bizkaia irratian, Euskadi Irratian Euskal Telebistako Mihiluzen, Wazemanken, Gure Doinuaken besteak beste.
Labayru Ikastegian euskara klaseak ematen ibili izan da.
Bertsolaritzarekin lotura estua duen familian hazi zen eta bera ere bertsotan oso gazte hasi zen. Garriko bertso-eskolako kidea izan zen. 2006an iritsi zen lehenengo aldiz Bizkaiko Bertsolari Txapelketako finalera eta geroztik final guztietarako sailkatu izan da. 2005 eta 2009ko Euskal Herriko txapelketan ere parte hartu zuen.
2018an Bizkaiko Bertsolari Txapelketa irabazi zuen (843,5 puntu). Irabazten lehen emakumea izan zen.
Bere ibilbide politikoa Muxikan hasi zen, ANV alderdiarekin hango zinegotzia izan baitzen 2007 eta 2011 urteen artean. 2012 eta 2015 urteetan, Amaiur koalizioko diputatua izan zen Espainiako Diputatuen Kongresuan. 2014an Marokoko agintariek Mendebaldeko Saharatik kanporatu zuten Aaiúnera iritsi zenean.
2015ean EH Bildurekin aurkeztu zen Bizkaiatik Kongresurako zerrenda buru gisa. Bertan Abortoaren erreformari buruz ari zela, ‘koño’ esaten bigarren pertsona eta lehenengo emakumea izan zen. Honek sareetan eta hedabideetan oihartzun handia piztu zuen.
2018an musika, dantza eta sorkuntza literario bidezko esperientzia kooperatiboa den Humanity at Music-en parte hartu zuen.
Uxue Alberdiren 2019ko Kontrako eztarritik saiakera lanean emakume bertsolari gisa izandako bizipenak agertu zituen.
2019an Donostiako Zinemaldiaren inguruan '48 ordu Zinemaldian' egin eta gero, saio propioa lortu du formatuak ETB1en. Gai zehatz baten inguruan 48 ordu pasatzean datza Enbeitak gidaturiko programak.
| Wikiesanetan badira aipuak, gai hau dutenak: Onintza Enbeita |
Datuak: Q5940062
Aipu famatuak: Onintza EnbeitaThis article uses material from the Wikipedia Euskara article Onintza Enbeita, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
.svg){kind=small}