2005Eko Bertsolari Txapelketa Nagusia

Bertsolari Txapelketa Nagusiaren XIV. edizioa izan zen eta bertan, Euskal Herriko 38 bertsolarik hartu zuten parte. XIV. txapelketaren leloa "Pasa Hitza" izan zen. Txapelketak guztira 12 saio izan zituen, horien artean 5 final-laurden, 6 finalaurreko eta finala. Finala abenduaren 18an jokatu zen Barakaldoko Bilbao Exhibition Centren eta Andoni Egañak irabazi zuen, bere laugarren txapela lortuz.

Guztira 38 bertsolarik, 9 epailek eta 8 gai-jartzailek hartu zuten parte.

Bertsolariak

1. Aitor Mendiluze
2. Aitor Sarriegi
3. Andoni Egaña (2001eko txapelduna)
4. Amaia Agirre
5. Amets Arzallus
6. Arkaitz Estiballes
7. Arkaitz Goikoetxea
8. Asier Otamendi
9. Bixente Gorostidi
10. Ekaitz Goikoetxea
11. Estitxu Arozena
12. Estitxu Eizagirre
13. Etxahun Lekue
14. Fredi Paia
15. Igor Elortza
16. Igor Muniategi
17. Iker Zubeldia
18. Iratxe Ibarra
19. Iñaki Gurrutxaga
20. Iñaki Zelaia
21. Iñigo Izagirre
22. Iñigo Manzisidor "Mantxi"
23. Jesus Mari Irazu
24. Jokin Uranga
25. Jon Maia
26. Jon Martin
27. Joxe Juan Zubieta "Etxabe"
28. Julen Zelaieta
29. Maialen Lujanbio
30. Miren Artetxe
31. Nahikari Gabilondo
32. Oihane Enbeita
33. Oihane Perea
34. Onintza Enbeita
35. Sustrai Colina
36. Unai Iturriaga
37. Xabier Paya
38. Xabier Silveira

Gai-jartzaileak

• Alaitz Rekondo
• Asier Ibaibarriaga
• Inazio Usarralde
• Josu Goikoetxea
• Naroa Sasieta
• Saroi Jauregi
• Unai Elizasu
• Zuriñe Iarritu

Epaileak

• Eneko Bidegain
• Felix Irazustabarrena
• Jon Abril
• Joseba Santxo
• Josu Telleria
• Mikel Aizpurua
• Mirari Azula
• Saioa Mitxelena
• Zigor Leunda

Final-laurdenak

Final-laurdenetan 30 bertsolari aritu ziren lehian, guztiak herrialdekako txapelketetan sailkatuak. Bost final-laurden egon ziren eta 6 bertsolari saio bakoitzeko. Puntu gehien batu zituzten bertsolariak finalaurrekoetarako sailkatu ziren.

Lekunberri

Lekunberrikoko final-laurdena Plazaola kiroldegian izan zen, 2005eko urriaren 9ko 17:00etan. Mikel Tabernak aurkeztu zuen saioa.

Idiazabal

Idiazabalgo final-laurdena Igarondo pilotalekuan izan zen, 2005eko urriaren 15eko 18:00etan. Jon Zalduak aurkeztu zuen saioa.

Zornotza

Zornotzako final-laurdena Zelaieta zentroan izan zen, 2005eko urriaren 16ko 17:00etan. Zuriñe Iarrituk aurkeztu zuen saioa.

Uztaritze

Uztaritzeko final-laurdena Kiroleta pilotalekuan izan zen, 2005eko urriaren 22ko 17:00etan. Alaitz Rekondok aurkeztu zuen saioa.

Arrasate

Arrasateko final-laurdena Amaia antzokian izan zen, 2005eko urriaren 23ko 17:30etan. Unai Elizasuk aurkeztu zuen saioa.

Finalaurrekoak

Finalaurrekoetan 18 bertsolari aritu ziren lehian, final-aurrekoetatik sailkatutako 12 bertsolari eta eta 2001eko Bertsolari Txapelketa Nagusiko sei finalista. Finalaurrekoek bi txanda edo itzuli zituzten. Txanda bakoitzak hiruna saio zituen eta saio bakoitzeko sei bertsolarik hartu Zuten parte.

Bi itzulietako puntuak batu ondoren, puntu gehien zituzten zazpi bertsolariak sailkatzen ziren finalerako.

Lehen txanda

Hendaia

Hendaiako saioa lehen finalaurrekoa izan zen. 2005eko azaroaren 6ko 17:00etan ospatu zen Beltzenia pilotalekuan. 6 bertsolarik hartu zuten parte. Saroi Jauregik aurkeztu zuen saioa.

Markina-Xemein

Markina-Xemeingo saioa bigarren finalaurrekoa izan zen. 2005eko azaroaren 12ko 18:00etan ospatu zen Udal pilotalekuan. 6 bertsolarik hartu zuten parte. Bernardo Mandalunizek aurkeztu zuen saioa.

Gasteiz

Gasteizko saioa hirugarren finalaurrekoa izan zen. 2005eko azaroaren 13ko 17:00etan jokatu zen, Mendizorrotzeko pabilioian. Sei bertsolarik hartu zuten parte. Naroa Sasietak aurkeztu zuen saioa.

Bigarren txanda

Zumarraga-Urretxu

Zumarraga-Urretxuko saioa laugarren finalaurrekoa izan zen. 2005eko azaroaren 26ko 18:00etan ospatu zen Ederrena pilotalekuan. 6 bertsolarik hartu zuten parte. Saroi Jauregik aurkeztu zuen saioa.

Bera

Berako saioa bosgarren finalaurrekoa izan zen. 2005eko azaroaren 27ko 17:00etan ospatu zen Eztegara pilotalekuan. 6 bertsolarik hartu zuten parte. Zuriñe Iarrituk aurkeztu zuen saioa.

Donostia

Donostiako saioa seigarren finalaurrekoa izan zen. 2005eko abenduaren 4ko 17:00etan ospatu zen Atano III.a pilotalekuan. 6 bertsolarik hartu zuten parte. Saroi Jauregik aurkeztu zuen saioa.

Sailkapena

Finala

Finalean zortzi bertsolari aritu ziren, 2001eko txapelduna zen Andoni Egaña, txapeldunordea zen Maialen Lujanbio eta finalaurrekoetatik puntuazioz sailkatutako lehenengo seirak. Finala hiru saiotan banatu zen. Goizean eta arratsaldean zortziak lehiatu ziren eta ondoren, puntu gehien batu zituzten bi bertsolarien arteko buruz burukoa egin zen. Azkenik, egun osoan puntu gehien lortu zituen bertsolariak irabazi zuen.

Barakaldo (Bilbao Exhibition Centre)

Finala 2005eko abenduaren 18an ospatu zen, Barakaldon, Bilbao Exhibition Centren. Goizeko saioa 11:00etan izan zen, arratsaldekoa berriz, 16:30etan. Finalean zortzi bertsolarik hartu zuten parte, horien artean Andoni Egaña, 2001eko Bertsolari Txapelketa Nagusiaren txapelduna zenez, zuzenean sailkatua zegoen. Andoni Egañak irabazi zuen, bere laugarren txapela lortuz.

• 2005eko Bertsolari Txapelketa Nagusiari buruzko informazioa: Bertsozale Elkartea