Nafarroako Unibertsitate Publikoa: Espainiako unibertsitate publikoa
Nafarroako Unibertsitate Publikoa (NUP, NAUP edo UPNA) 1987an sortu zuen Nafarroako Parlamentuak, herrialde honetan unibertsitate publiko bat egon zedin.
| Nafarroako Unibertsitate Publikoa | |
|---|---|
 | |
| Datuak | |
| Izen ofiziala | Universidad Pública de Navarra eta Nafarroako Unibertsitate Publikoa |
| Izen laburra | UPNA |
| Mota | Unibertsitate publikoa |
| Herrialdea | Espainia |
| Jarduera | |
| Kidetza | European University Association (en)  , Conference of Rectors of Spanish Universities (en) eta Unión de Editoriales Universitarias Españolas |
| Erabilitako hizkuntza | gaztelania |
| Historia | |
| Sorrera | 1987ko apirilaren 21a |
| webgune ofiziala | |
1996-97 ikasturteaz geroztik, 10.500 inguru horretan egonkortu da ikasle kopurua. Irakasleak, berriz, 600 inguru dira. Gaur egun 10.000 ikasletik gora daude matrikulatuak lehen eta bigarren ziklotan eta 700 inguru hirugarren zikloan. Ikasleen % 92a Nafarroatik dator eta besteak Errioxa eta EAEtik batik-bat.
Nafarroako Unibertsitate Publikoaren campusa Iruñeko Arrosadian kokatu zen. 260.000 m2 ditu, eta campus nagusitik kanpo ere baditu ikastegiak eta berari atxikitako zentroak. Campusa Javier Saenz de Oiza arkitekto nafar ezagunak egina da. 2000-2001 ikasturtean ikasketa hauek eskaintzen zituen: Enpresa Zientzietako diplomatura (1.067 ikasle), Ingeniaritza Tekniko Industriala, Lan Harremanetako diploma, Enpresen Zuzendaritza eta Kudeaketan lizentzia, Ingeniaritza Industriala, Nekazaritza Ingeniaritza Teknikoa, Nekazaritza Ingeniaritza, Telekomunikazio Ingeniaritza, Ekonomia, Soziologia eta Zuzenbide lizentziak, eta Irakasle ikasketak eta Erizaintza.
2010eko urrian Nazioarteko Bikaintasun Campus izendapena jaso zuen NUPek.
Fakultatea eta eskolak
Gaur egun, 6 fakultate edo eskolak osatzen dute NUP:
- Ekonomia eta Enpresa Zientzien Fakultatea
- Giza eta Gizarte Zientzien Fakultatea
- Nekazaritza Ingeniarien Goi Mailako Eskola Teknikoa
- Telekomunikazio eta Industria Ingeniarien Goi Mailako Eskola Teknikoa
- Osasun Ikasketen Unibertsitate Eskola
- Zientzia Juridikoen Fakultatea
Ikasketak
Gaur egun 23 gradu egin daitezke. Hainbat lehen eta bigarren zikloko karrera daude oraindik, eta baita graduondoko ikasketak ere (Master titulu ofizialak eta doktoretza).
Graduak
- Ekonomia eta Enpresa Zientzien Fakultatea
- Ekonomia Gradua
- Enpresen Administrazio eta Zuzendaritzako Gradua
- Enpresen Administrazio eta Zuzendaritzako eta Zuzenbideko Gradu bikoitza
- Ekonomia Graduko Nazioarteko Programa
- Enpresen Administrazio eta Zuzendaritza Graduko Nazioarteko Programa.
- Enpresen Administrazio eta Zuzendaritzako eta Ekonomiako Gradu Bikoitzaren Nazioarteko Programa
- Giza eta Gizarte Zientzien Fakultatea
- Haur Hezkuntzako Irakasleen Gradua (euskaraz)
- Grado de Maestro en Educación Infantil (gaztelaniaz)
- Lehen Hezkuntzako Irakasleen Gradua (euskaraz)
- Grado de Maestro en Educación Primaria (gaztelaniaz)
- Gizarte Laneko Gradua
- Soziologia Aplikatuko Gradua
- Nekazaritza Ingeniarien Goi Mailako Eskola Teknikoa
- Nekazaritzako Elikagaien eta Landa Ingurunearen Ingeniaritzako Gradua
- Telekomunikazio eta Industria Ingeniarien Goi Mailako Eskola Teknikoa
- Ingeniaritza Elektromekanikoko Gradua, Mekanika, Elektrizitatea eta Industria Elektronika espezialitateetan
- Diseinu Mekanikoko Ingeniaritza Gradua (Tuterako campusa)
- Industria Teknologietako Ingeniaritzako Gradua
- Telekomunikazioen Teknologietako Ingeniaritza Gradua, honako berezitasun hauekin: Telekomunikazio Sistemak, Ikus-entzunezko eta Multimedia Sistemak, Telematika, Sistema Elektronikoak
- Informatikako Ingeniaritza Gradua
- Osasun Ikasketen Unibertsitate Eskola
- Erizaintza Gradua
- Fisioterapia Gradua (Tuterako campusa)
- Zientzia Juridikoen Fakultatea
- Zuzenbidea Gradua
- Lan Harremanak eta Giza Baliabideak Gradua
- Enpresen Administrazio eta Zuzendaritzako eta Zuzenbideko Gradu bikoitza
Ikasketak eta euskara
Euskaraz ikasteko eskubidearen inguruan hainbat kritika jaso ditu unibertsitate honek, batez ere Ikasle Abertzaleak taldeak eginikoak. Gaur egun ikasleen %33a baino gehiago euskalduna da baina karreren %10a baino gutxiago ikas daiteke hizkuntza honetan.
NUP eta euskarazko Wikipedia
2024ko apirilaren 2an, NUP eta Euskal Wikilarien Kultura Elkartea elkarlanean aritzeko lankidetza-hitzarmen bat sinatu zuten euskarazko Wikipedia elikatzeko, EWKEak sustatzen duen Hezkuntza programaren testuinguruan.
Bi erakundeek hitzarmena sinatu zuten NUPek irakasleen eta ikasleen arteko lankidetza susta zezan euskarazko kalitatezko testuak eta multimedia edukiak ekoizteko eta Wikipedian argitaratzeko.
Garraiobide publikoa
| Línea | Ibilbidea | Ordutegia | Maiztasuna | Oharrak |
|---|---|---|---|---|
 | Unibertsitateak | 07:00 - 22:00 | ||
 | Arrotxapea - Nafarroako Unibertsitate Publikoa | 06:45 - 22:15 | ||
 | Renfe - Nafarroako Unibertsitate Publikoa | 06:32 - 22:36 | ||
 | Ezkaba - El Sario eraikina | 06:38 - 22:08 |
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q3179598
Multimedia: Universidad Pública de Navarra / Q3179598
This article uses material from the Wikipedia Euskara article Nafarroako Unibertsitate Publikoa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.