Moldaviako Sobietar Errepublika Sozialista
Moldaviako Sobietar Errepublika Sozialista (moldavieraz: Република Советикэ Сочиалистэ Молдовеняскэ; errumanieraz: Republica Sovietică Socialistă Moldovenească; errusieraz: Молда́вская Сове́тская Социалисти́ческая Респу́блика) Sobietar Batasuneko errepubliketariko bat izan zen, 1940-1991 bitartean.
- Artikulu hau sobietar errepublikari buruzkoa da; beste esanahietarako, ikus «Moldavia (argipena)».
Gaur egungo Moldaviako Errepublikari dagokion lurralde eta herrialdea zen. Chisinau zen hiriburua. Herrialdeko hizkuntza nagusiak moldaviera eta errusiera ziren. Sobietar errubloa zerabilten.
| Moldaviako Sobietar Errepublika Sozialista Молдавская Советская Социалистическая Республика Република Советикэ Сочиалистэ Молдовеняскэ Republica Sovietică Socialistă Moldovenească | |||||||||||
|---|---|---|---|---|---|---|---|---|---|---|---|
| 1940 – 1991 | |||||||||||
| Sobietar Errepublika Sozialista | |||||||||||
| |||||||||||
 Moldavia Sobietar Batasunean | |||||||||||
| Geografia | |||||||||||
| Hiriburua | Chişinău | ||||||||||
| Ekonomia | |||||||||||
| BPG | 33843 | ||||||||||
| BPG/bizt | 4337600 | ||||||||||
| Dirua | Sobietar errublo | ||||||||||
| Kultura | |||||||||||
| Hizkuntza(k) | Errusiera Moldaviera | ||||||||||
| Historia | |||||||||||
| |||||||||||
.svg)
.svg)
.svg){kind=small}
1989. urteko datuen arabera, Moldaviako errepublikak 33.843 km²-ko azalera zeukan, Sobietar Batasuneko hamalaugarrena. 4.337.600 biztanle zeuden, eta Batasuneko bederatzigarren handiena zen biztanleriari dagokionez.
Historia
Aurrekari moduan, Sobietar Batasunak Ukrainako Sobietar Errepublika Sozialistaren barruan Moldaviako Sobietar Errepublika Sozialista bat antolatu zuen 1924. urtean, Dniester eta Prut ibaien arteko lurraldean; bereziki errumaniar gutxiengoari eskubide multzo handia aitortu zioten.
1939. urteko sobietarren eta alemanen arteko Molotov-Ribbentrop Hitzarmenaren ondorioz, Prut ibaiko ekialdeko Errumaniako lurraldeak sobietarren esku geratu ziren. 1940. urteko abuztuaren 2an sortu zuten Moldaviako Sobietar Errepublika Sozialista, Dniester eta Prut ibaien arteko lurraldea, Ukrainako Sobietar Errepublika Sozialistatik bereiziz baina Sobietar Batasunaren barruan jarraituz.
Alemanek, Errumaniaren laguntzaz Moldaviako lurraldea hartu zuten, baina Bigarren Mundu Gerraren amaierarako Sobietar Batasunak Moldavia berreskuratuta zeukan, baita berrantolatuta ere.
1991. urteko maiatzaren 23an Moldaviako Errepublika izena eman zioten herrialdeari, eta abuztuaren 27an independentzia aldarrikatu zuten.
Ekonomia
Lurralde gehienean ekonomia-jarduera nagusia nekazaritza zen, fruten ekoizpena batez ere. Transnistria eskualdean, ostera, industriak indar handia zeukan, energia elektrikoaren ekoizpenak batez ere.
Kanpo estekak
Datuak: Q170895
Multimedia: Moldavian Soviet Socialist Republic / Q170895
This article uses material from the Wikipedia Euskara article Moldaviako Sobietar Errepublika Sozialista, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.