Txikipedia: 8-13 urteko ikasleentzako entziklopedia, euskarazko wikipediaren antzekoa eta honekin mihiztatua
Txikipedia 8-13 urte bitarteko haurrentzako entziklopedia bat da, Euskarazko Wikipediaren barruan txertatua, adin-tarte horretako umeentzako moduko lexiko eta sintaxiarekin egina.
Horregatik, euskara garbi eta errazean idatzita egotea du helburu, umeen eskola-beharretara moldatua, baina ulergarritasunari garrantzi handia emanez.
Txikipediaren oinarrian, Vikidia izeneko online wikientziklopedia dago, euskaraz 2015ean hasi zena, eta beste hainbat hizkuntzatan ere funtzionatzen duena, hemen aipatutako helburuekin.
Txikipediaren helburuak
Txikipedia 8-13 urte bitarteko umeentzat da, eskolako beharretara begira egina, baina ez bakarrik. Izan ere, euskara errazean idatzitako wikipedia moduko bat izatea da helburua, eta, hartara, euskara ikasten ari diren helduentzat ere izan daiteke baliagarria. Wikipediaren bertsio laburtu edo errazago bat izatea da helburua, batzuetan wikipediako artikuluak luzeak, konplexuak eta zailak izaten direlako.
Txikipediaren egileak
Txikipedia wiki proiektuan edonork parte har dezake, artikuluak idatziz, aldatuz edo osatuz, informazioa gehituz edo zuzenduz. Horretarako kontua ireki beharra dago. Beti errespetatu behar dira egile-eskubideak.
Bestalde, asmoa da 8 eta 13 urte bitarteko euskal umeek ere parte hartzea Txikipedia egiten, haiek izatea interesatzen zaizkien artikuluak idazten, osatzen edo zuzentzen dituztenak, baina betiere euren irakasleen laguntzarekin; horrela, euren ekarpena egin dezakete, eskolarako baliagarriak izan daitezkeen gaietan.
Erreferentziak
Ikus, gainera
Kanpo estekak
Datuak: Q65216961
Multimedia: Txikipedia / Q65216961
This article uses material from the Wikipedia Euskara article Txikipedia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.