Ivanoe Bonomi (Mantua, 1873ko urriaren 18a - Erroma, 1951ko apirilaren 20a) italiar politikaria izan zen.
Bi aldiz izan zen Italiako lehen ministro.
1909an diputatu hautatu zuten Italiako Alderdi Sozialistako kide gisa. 1912an alderditik bota zuten, erreformismoari eta moderazioari alde emateagatik eta Italiak Libian egindako inbasioari babesa emateagatik. Italiako alderdi sozialista erreformistarekin bat egin zuen eta Italiak Lehen Mundu Gerran parte hartzea babestu zuen.
Herri lan (1916-17), Gerra (1920-22) eta Ogasun ministroa (1921) izan zen. Koalizio gobernu bateko lehen ministro izan zen 1921etik 1922ra, eta politikatik erretiratu zen Mussolini boterera iritsi ondoren.
1940an, Bonomi mugimendu antifaxistara batu zen. 1944ko ekainean tropa aliatuek Erroma askatu ondoren, Pietro Badoglio ordezkatu zuen lehen ministro karguan. Herrialdeari demokraziarako trantsizioan lagundu zion eta erreforma sozial asko egin zituen. Lehen ministro izan zen 1945eko ekainera arte.
Ondoren, Batzar Konstituziogileko kide eta Senatuko presidente 1948tik hil zen arte izan zen.
This article uses material from the Wikipedia Euskara article Ivanoe Bonomi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.