Do What U Want (euskeraz, Nahi Duzuna Egin), Do What U Want (With My Body) modura ere ezaguna dena (euskeraz: Nahi Duzuna Egin (Nire Gorputzarekin)), 2013ko ARTPOP albumeko Lady Gaga abeslari eta musikagile estatubatuarraren abestia da.
R. Kelly-rekin batera kantatutako kolaborazio-abesti honetan, Gagak, R. Kelly-z gain, beste hainbat musika-ekoizleren laguntza jaso zuen: DJ White Shadow, DJ Snake eta Martin Bresso; hala ere, abesti-produkzio osoa Gaga berari eta DJ White Shadowri zor diegu. Jatorrian abestia ARTPOP albumeko lehen promozio-single modura kalteratu bazen ere, 2013ko urriaren 21ean, abestiak jasotako berehalako oniritzi orokorrak Interscope Records diskoetxeari "Venusen" trukean (jatorrizko ARTPOPeko bigarren singlea) "Do What U Want" albumeko bigarren single modura kaleratzera eraman zuen.
Do What U Want | ||||
---|---|---|---|---|
"Do What U Want" singlearen logoa | ||||
Lady Gaga(r)en abestia ARTPOP albumetik | ||||
Argitalpena | 2013ko urriaren 23a | |||
Formatua | Deskarga digitala | |||
Grabazioa | 2013 | |||
Musika mota | Synth pop, electropop, R&B | |||
Hizkuntza | Ingelesa | |||
Iraupena | 3:47 | |||
Diskoetxea | Interscope Records Streamline Records | |||
Idazlea | Lady Gaga, DJ White Shadow, R. Kelly, DJ Snake eta Martin Bresso | |||
Ekoizlea | Lady Gaga eta DJ White Shadow | |||
ARTPOP abesti zerrenda | ||||
|
Abestia, kritikaren arabera, Christina Aguileraren zenbait abestiekin parekatu daiteke, erritmo oso ona duen "Lady Gagaren abesti onenetarikoen" artean kokatuz; hala, Metacritic web-orriko erabiltzaileek "2013ko abesti onenean" bigarren postuan ezarri zuten, Gaga beraren "Applause" abestiaren azpitik. Bestalde, "Do What U Want" Hungariako disken salmenta-zerrendaren lehen postura ailegatu zen, beste hainbat herrialdeetan (hala nola, Espainia, Kanada, Danimarka edo Erresuma Batua) lehen hamar postuetako batetan kokatu zen bezala. Ondorioz, IFPIk, FIMIk zein CRIAk urrezko diskarekin saritu zuten singlea. Euskal Herrian, hala ere, ez zuen lortu Top Gaztearen zerrendara ailegatzea lortu.
2019ko urtarrilaren 10ean, Lady Gagak singlea streaming-plataforma guztietatik ezabatu zuen, aireratu berri zen Surviving R. Kelly telebista-dokumentalaren ondorioz, non R. Kellyren iraganeko sexu-gehiegikeriak, 2002. urtetik aurrera, azaleratu ziren. Era berean, urte bereko azaroan abestia sortu berri ziren ARTPOP-album eta -binilo guztietatik ezabatua izan zen ere.
This article uses material from the Wikipedia Euskara article Do What U Want, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.