Daniel Day-Lewis

Hirutan irabazi du Gizonezko aktore onenaren Oscar saria. Cecil Day-Lewis ingeles-irlandar olerkariaren semea da.

Daniel Day-Lewis
Irudi gehiago
Bizitza
Jaiotzako izen-deiturak	Daniel Michael Blake Day
Jaiotza	Kensington eta Londres, 1957ko apirilaren 29a (66 urte)
Herrialdea	Irlandako Errepublika  Erresuma Batua
Bizilekua	Wicklowko konderria
Talde etnikoa	Ingelesa irlandarra Juduak
Familia
Aita	Cecil Day-Lewis
Ama	Jill Balcon
Ezkontidea(k)	Rebecca Miller  (1996 -
Bikotekidea(k)	ikusi Isabelle Adjani
Seme-alabak	ikusi Gabriel-Kane Day-Lewis (en) Ronan Day-Lewis (en) Cashel Day-Lewis (en)
Anai-arrebak	ikusi Tamasin Day-Lewis (en)
Familia	ikusi Michael Balcon (en) (aitona) Arthur Miller (aitaginarreba)
Hezkuntza
Heziketa	Bristol Old Vic Theatre School (en) Sevenoaks School (en) Bedales School (en)
Hizkuntzak	ingelesa
Jarduerak
Jarduerak	zinema aktorea, artista, antzerki aktorea, telebista-aktorea eta aktorea
Lan nabarmenak	ikusi My Left Foot In the Name of the Father The Last of the Mohicans Gangs of New York There Will Be Blood Lincoln
Jasotako sariak	ikusi Gizonezko aktore onenaren Oscar Saria  (1989) : My Left Foot Gizonezko aktore onenaren Oscar Saria  (2007) : There Will Be Blood Gizonezko aktore onenaren Oscar Saria  (2013) : Lincoln Alliance of Women Film Journalists Award for Best Actor  (2012) Knight Bachelor Fellow of the American Academy of Arts and Sciences BAFTA Award for Best Actor in a Leading Role
Kidetza	Arteen eta Zientzien Ameriketako Estatu Batuetako Akademia
Genero artistikoa	drama
Sinesmenak eta ideologia
Erlijioa	agnostizismoa

Ama, Jill Balcon, antzezlea zuen eta amaren aldetiko aitona, sir Michael Balcon, Ingalaterrako Ealing Studios zinema etxeko zuzendaria izan zen denbora luzez. Aita, berriz, Cecil Day-Lewis, poeta entzutetsua, Ingalaterrako Errege Etxeko kide izan zen 1968tik 1972ra bitartean. Danielek Greenwichen eta Kenteko Sevenoaks Schoolen egin zituen ikasketak eta, gero, Bristolgo Old Vic antzerki eskolan ikasi zuen arte dramatikoa.

Artean oso gaztea zela egin zuen debuta zineman, John Schlesingerrek zuzendutako Sunday, Bloody Sunday (1971, «Igandea, zorigaitzeko igandea») filmean. 1982an, Another Country («Beste herrialde bat») antzerki laneko protagonista izan zen Londresen. 1985ean bi paper oso desberdin interpretatu zituen, maisutasun handiaz: alde batetik, punky homosexual baten papera egin zuen Stephen Frearsek zuzendutako My Beautiful Laundrette (1985, «Ene garbitegi ederra») filmean eta, bestetik, James Ivoryren zuzendaritzapean, dandy baten interpretazioa egin zuen A Room with a View (1986, «Ikusmiradun gela») pelikulan. 1988an, Milan Kunderaren eleberri batean oinarritutako The Unbearable Lightness of Being (1988, «Izatearen arintasun jasangaitza») filmeko protagonista izan zen, Philip Kaufman zuzendari zuela.

Hurrengo urtean, My Left Foot (1989, «Ene ezkerreko oina») filmean egindako interpretazioagatik (Christy Brown, irlandar artista elbarriaren papera egin zuen) Gizonezko aktore onenaren Oscar saria irabazi zuen. Film hori egiten ari zirela, paperean hobeto sartzeagatik, gurpil-aulki batean eserita pasatzen zituen egunaren ordu gehienak, kameraren aurrean ez zegoenean ere. Hollywoodeko hainbat filmetan ere lan egin du: The Last of the Mohicans (1992, «Azken Mohikanoa», Michael Mannek zuzendua), The Age of Innocence («Errugabatesunaren adina», 1993, Martin Scorsesek zuzendua), In the Name of the Father («Aitaren izenean», 1994, Jim Sheridanek zuzendua), The Crucible («Arragoa», 1995, Nicholas Hytnerena).

2000tik aurrera film gutxitan aritu zen, baina bitan jaso zuen aktore onenaren Oscar saria: 2007an, Daniel Plainviewek zuzendutako There Will Be Blood-engatik, eta 2012an, Steven Spielbergek zuzendutako Lincoln-engatik. 2017ko ekainean, aktore lan gehiagorik ez zuela eginen adierazi zuen.