Bonnie Eta Clyde
Bonnie Elizabeth Parker (1910ko urriaren 1a, Rowena, Texas – 1934ko maiatzaren 23a, Bienville Parish, Louisiana) eta Clyde Chestnut Barrow (1909ko martxoaren 24a, Ellis County – 1934ko maiatzaren 23a, Bienville Parish, Louisiana) Depresio Handiaren garaiko estatubatuar gaizkile eta lapur batzuk izan ziren.
Bonnie eta Clyde bikoteak garaiko estatubatuar hedabideen harreta bereganatu zuten eta 1931-1934 bitartean "etsai publikotzat" joak izan ziren. Nahiz eta haien lapur taldea bakuen lapurretengatik ezaguna egin izan, Clyde Barrowek maila apalagoko denda txiki eta gasolindegien lapurretak burutzea gogokoagoa izan zuen.
| Bonnie eta Clyde | |
|---|---|
 | |
| Datuak | |
| Mota | duoa |
| Osatuta | Bonnie Parker Clyde Barrow |
Nahiz eta hiritarrek Bonnie taldeko burutzat hartu izan, gaur egun Bonnie Parkerren errola ikerketua eta eztabaidatua dago. Talde hartako W.D. Jones eta Ralph Fults kideen testigantzaren arabera, behin ere ez zuten Bonnie pistola bat hartzen ikusi eta bere errola gai logistikoetara mugatzen omen zen. Jonesen hitzetan: "Bonniek ez zuen inoiz armarik hartu, tiroketa handietatik kanpo mantendu zen." Phillip Steelek burututako The Family Story of Bonnie and Clyde artikuluan Clyde familiako arreba gazteena zen Marie Barrow-ek ziurtatzen zuenez "Bonniek ez zuen inoiz tiro bakar bat ere eman. Bere anaia jarraitu zuen, edonora zihoala ere." Playboy aldizkariko elkarrizketa honetan, W.D. Jones-ek Bonnieri buruz hau aipatu zuen: "Nik dakidanez, Bonniek ez zuen inoiz armarik eskuan eduki. Beharbada autoan baten bat gordeta eramatea beharrezkoa izango zuen. Baina tiroketa handietan zehar, nik ez nian inoiz arma batekin ikusi".
"Bonnie and Clyde: Romeo and Juliet in a Getaway Car" artikuluan, Joseph Geringer idazleak zioenez, garaiko estatubatuar gizartearen zati handi batek Bonnie eta Clyde bikotea ongi ikusia zuen, edota haienganako nolabaiteko begikotasuna zuen, bikotea Robin Hood garaikide batzuekin parekatuz, gainera haien heriotz tragikoak kondaira mailara aupatu zituen.
Zinema
1967an Arthur Penn estatubatuar zinema zuzendariak bikote honetan oinarritutako Bonnie and Clyde filma burutu zuen, Bonnie eta Clyde bikotea hurrenez-hurren Faye Dunaway eta Warren Beatty aktoreek antzeztu zituztelarik.
Iruditegia
-
Bonnie eta Clyde. -
Bonnie Parker. -
Clyde Barrow. -
Atsedenaldi batean. -
W.D. Jones eta Clyde Barrow lapur eta taldekideak. -
Clyde Barrow 1926an, 16 urterekin.
Erreferentziak
Kanpo estekak
Wiki Commonsen badira fitxategi gehiago, gai hau dutenak: Bonnie eta Clyde  |
Datuak: Q219937
Multimedia: Bonnie and Clyde / Q219937
This article uses material from the Wikipedia Euskara article Bonnie eta Clyde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.