Asisko Urmeneta: Euskal komikigilea

Komikia, ilustrazioa, marrazki bizidunak, prentsako karikatura eta abarretatik ateratzen du bizimodua. Umorea izan ohi dute ardatz bere lanek. Miguel Javier Urmeneta Iruñeko alkatearen semea, Ramon Urmeneta arkitektoa eta artistaren iloba eta Mikel Urmeneta marrazkilariaren anaia da. Egun Hoztan (Nafarroa Beherea) bizi da.

Asisko Urmeneta
Irudi gehiago
Ahotsa
Bizitza
Jaiotza	Iruñea, 1965 (58/59 urte)
Herrialdea	Nafarroa Garaia, Euskal Herria
Familia
Aita	Miguel Javier Urmeneta
Anai-arrebak	ikusi Mikel Urmeneta Ramon Urmeneta
Hezkuntza
Hizkuntzak	euskara gaztelania
Jarduerak
Jarduerak	umorista grafikoa, idazlea, film-zuzendaria eta gidoilaria
Lan nabarmenak	ikusi AztiHitza: Xahoren Biografikoa Xabiroi
Jasotako sariak	ikusi Euskal Herria Sormen Saria  (2017) Euskadi saria - Literatura lanaren ilustrazioa  (2019) : AztiHitza: Xahoren Biografikoa
Kidetza	Etxepare Euskal Institutua

Bere lehen pausoak komikilari gisa, Napartheid fanzinean eman zuen 80ko hamarkadan. Horren ondoren, hainbat prentsa kolaborazio egin ditu (batez ere, Argian), Zazpiak Batman kolektiboko kidea da (Kike Amonarriz eta Antton Olariagarekin batera Mantxut liburuak atera ditu), H28 aldizkari satirikoan parte hartu zuen eta Xabiroi Ikastolen Elkarteko aldizkarian ere marrazten du. Bere kaxa hainbat komiki argitaratu ditu.

Besteak beste, Oskorri, Pottoka eta Negu Gorriak taldeen disken azalak marraztu ditu.

Horrez gain, ETB1 telebista-kateko Mihiluze saioan egon zen karikaturak egiten. Juanjo Elordirekin batera 2009an Munduaren bira 80 egunetan, doan eta 2011n Gartxot, konkista aitzineko konkista filmak zuzendu zituen.

2017 eta 2018an hurrenez hurren bi komiki sortu zituen Asisko Urmenetak: Eusklabo Alaiak (Gure Berriak, 2017) eta AztiHitza: Xahoren Biografikoa (Erroa argitaletxea, 2018). Azken lan honi esker, Urmenetak 2019an Literatura Lanaren Ilustrazioa modalitateko Euskadi Literatura Saria irabazi zuen.

Beste askoren artean:

• Hegoekialde Urruneko Legenda (Napartheid, 1988)
• Erraondo (TT komikiak, 1991).
• I'm Pellot, Biba festa! (Argia, 1996).
• Nora hoa, xirimola? (Desclée de Brouwer, 2002). Pernan Goñirekin batera.
• Sugea lilipean (Desclée de Brouwer, 2003).
• Gartxot (Argia, 2003). Jokin eta Marc Armspachekin batera egindakoa.
• Okatxu hegal egiten (Argia, 2010). Mattin Irigoien eta Adur Larrearekin batera egindakoa.
• Jakoba Errekondoren Altza porru (Argia, 2016) liburuan parte hartu du beste marrazkilari hauekin batera: Ainara Azpiazu, Antton Olariaga, Mattin Martiarena, Unai Gaztelumendi, Unai Iturriaga, Joseba Larratxe eta Zaldieroarekin batera.
• Eusklabo Alaiak (Gure berriak, 2017).
• AztiHitza: Xahoren BioGrafikoa (Erroa argitaletxea. 2018).
• 1620, Nafarroa Beheregaina (Nabarralde Fundazioa, 2019).
• Sugarren mende (Gure berriak, 2020)
• Basolatik berri onik ez (Xabiroi, 2020). Gidoilari, Joseba Larratxe marrazkigile.
• Amaiur! Libera state (Erroa, 2022).

 

• Durangoko Azoka
• Getxoko Komiki Azoka
• Iruindar ezagunen zerrenda

• (Ingelesez)(Frantsesez)Asiskoz "Kebawe" blogean
• Asisko Urmeneta: "Gure bizitzan guk izan behar dugu protagonista" Elkarrizketa Argia astekarian (2007-05-20)
• Asisko Urmeneta "Sinesten dut marrazkiaren errealismo magikoan" Artikulua Berria egunkarian (2017-12-05)