Вовк, вовк обычайный (Canis lupus L.) — найвекшый з нынѣ жиючых драпежных ссавцьох родины псовых, котрый здобывать ѣдло самостатно або во фалках активным гледаньом ай пренаслѣдованьом жертв.
Вовк обычайный | |
---|---|
Научна таксономия | |
Домена (Regio) | Еукариоты (Eukaryota) |
Царство (Regnum) | Живина (Animalia) |
Филь (Phylum) | Хордовы (Chordata) |
Клас (Classis) | Ссавце (Mammalia) |
Ряд (Ordo) | Драпежници (Carnivora) |
Родина (Familia) | Псовы (Canidae) |
Род (Genus) | Вовци (Canis) |
Вид (Species) | Вовк обычайный (Canis lupus) |
Научна назва | |
Canis lupus L., 1758 | |
Вовк обычайный на Викискладѣ |
В Дании, Голландии, на Британскых островах быв долабы вынищеный, в Западной Европѣ доднесь заховав ся в Арденах, Юрѣ, на югу Франции, в Италии, на Балканском полуостровѣ, в Мадярщинѣ, Польщи, Финландии, на цѣлой територии бывшой Российской империи. В Чехии быв послѣдный вовк застрѣленый в року 1850, але все еще даякый ся може затуляти з Карпат. Росширеный по цѣлой Азии, Японскых островах и цѣлой Сѣверной Америцѣ, хоть його кожух подлѣгать розличным змѣнам в приспособлѣню ку краинѣ и климѣ.
Вытя вовка | |
Media:Wolf howls.ogg |
Вовк европскый бывать тѣлом 115 цм довгый, в плечах 85 цм высокый, пысок мать приостреный, ушны клапы широкы, шпицасты, взпрямлены, очи кус накосо положены, пупилькы круглы, лабы высокы, хвост звислый. Вовк е вытрималый гонитель, там де ся указуе гойнѣйше, гонить жертву во фалках обдуманым гоном и чинить великы шкоды на высокой звѣринѣ и стадах. Все небеспечный про дѣти, а кедь голод му додавать дерзости, и про доростлых. Преслѣдуе и лишкы, а в тѣснотѣ ай мыши и жабы, не оповергать ани здохлинов. Протягле вытя вовка выволуе у жертвы горор, а е то ай вовчый способ комуникации. Вовци можуть давати плодне потомство зоз псами. Парять ся од децембра по апрѣль. В том часѣ меджи самцями суть рвачкы на живот а на смерть. По 13 тыжднях вовчицѣ принесуть од 6 до 10 молодят, котрых пестують в норах, скалных пуклинах, в лѣсовых заломах. Молодя, взяте од вовчицѣ, дасть ся здомашнити.
This article uses material from the Wikipedia Русиньскый article Вовк, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.