Trojo: Antikva urbo en nordorienta Anatolio en nuna Turkio

Laŭ mito la helenoj sieĝis la urbon dum 10 jaroj kaj konkeris ĝin helpe de la Troja Ĉevalo.

Trojo
greke Τροία, latine Troia, turke Truva
arkeologia loko • antikva urbo • urboŝtato • poliso
Restaĵoj de Trojo
Oficiala nomo: Τροία
Ŝtato	Turkio
Duoninsulo	Malgrand-Azio
Regiono	Anatolio
Provinco	Provinco Çanakkale
Arkeologiejo	Hisarlik
Historia regiono	Antikva Grekio
Markolo	Dardaneloj
Situo	Trojo
- koordinatoj	39° 57′ 27″ N 26° 14′ 20″ O / 39.95750 °N, 26.23889 °O / 39.95750; 26.23889
Fondo	3000 antaŭ Kristo
- malapero	5-a jarcento
Malkovrinto	Heinrich Schliemann
- dato	1870
Loko de Monda heredaĵo de UNESKO
Nomo	Trojo
Tipo de heredaĵo	kultura heredaĵo
Jaro	1998 (#22)
Numero	849
Regiono	Eŭropo
Kriterioj	iii, iv, vi
Tiamaj loĝantoj	hititoj, romianoj
Evento	Troja milito
Konkerilo	Troja ĉevalo
Situo enkadre de Turkio
Situo rilate al Grekio
Mapo de la antikva urbo Trojo laŭ arkeologiaj malkovraĵoj
Vikimedia Komunejo: Troy
Retpaĝo: muze.gov.tr/muze-detay?sectionId=TRV01&distId=TRV

Trojo ankaŭ estas la nomo de arkeologia situo proksime al la vilaĝo Hissarlik en hodiaŭa Turkio. Ĉe tiu situo ekzistis almenaŭ naŭ urboj -- post la detruo aŭ malapero de unu urbo, nova urbo konstruiĝis tie sur la ruinoj de la pli malnova. La ruinoj havas naŭ nivelojn do, kaj la plej probabla kandidato por la mita urbo de Trojo estas nivelo 7(A). Ĝis la malkovro de tiuj ruinoj fare de Heinrich Schliemann en 1870 historiistoj forte dubis la iaman ekziston de la urbo.

La pordoj el la urbo, famaj, estis konitaj kiel la «pordoj Skeoj» laŭ la fabela Iliado el Homero.

La nivelojn de la ruinoj ĉe la situo oni numerigas Trojo 1 - Trojo 9, kun diversaj subdivizioj:

• Trojoj 1, 2, 3, kaj 4: Urboj de la frua bronzepoko, kiuj ekzistis iam en la 3-a jarmilo a.K.
• Trojo 5: Urbo de la meza bronzepoko, kiu ekzistis de la 20-a ĝis la 18-a jarcento a.K.
• Trojo 6: Urbo de la meza bronzepoko, kiu ekzistis de la 17-a ĝis la 15-a jarcento a.K., kiam ĝi estis detruita (verŝajne de tertremo)
• Trojo 6(H): Urbo de la 14-a jarcento a.K., en la malfrua bronzepoko
• Trojo 7(A): Urbo, kiu ekzistis de ĉirkaŭ 1300 a.K. ĝis ĉirkaŭ 1190 a.K. -- la plej bona kandidato por Homera Trojo.
• Trojo 7(B1): Urbo verŝajne detruita de fajro en la 12-a jarcento a.K.
• Trojo 7(B2): Urbo verŝajne detruita de fajro en la 11-a jarcento a.K.
• Trojo 7(B3): Urbo, kiu ekzistis ĝis ĉirkaŭ 950 a.K.
• Trojo 8: Urbo de ĉirkaŭ 700 a.K.
• Trojo 9: Romia urbo, kiu estis nomata "Ilium" kaj ekzistis de la 1-a jarcento a.K. ĝis ĉirkaŭ la 5-a jarcento p.K.

Trojoj 1-4

La unua konata urbo ĉi tie konstruita aperis en la 3-a jarmilo a.K. Dum la bronzepoko, ĝi ŝajne estis tre prospera komerca urbo pro sia nedisputebla regado super la Dardaneloj, tra kiuj ĉiu komerca ŝipo el la Egea maro devis veli por atingi la Nigran maron. Ne tre multo estas hodiaŭ konata pri la loĝintoj de tiuj kvar fruhistoriaj urboj.

Trojo 7(A)

Ke ĉi tiu nivelo estas la efektiva urbo Trojo de la poemoj de Homero, multaj kredas. Ĝi aspektas, ke ĝin detruis milito, kaj la zorga studado de potpecoj metas la daton de la ekzisto de la urbo al ĉirkaŭ la malfrua 13-a jarcento a.K.

Trojo 9

En la 1-a jarcento a.K. la lasta tiea urbo konstruiĝis. Ĉi tiun urbon (nomatan Ilium) Romianoj fondis dum la regno de Aŭgusto Cezaro, kaj ĝi restas grava komerca urbo ĝis la fondiĝo de Konstantinopolo en la 4-a jarcento p.K., post kiu Ilium malkreskis kaj iom post iom malaperis.

• Troado
• Troja ĉevalo
• Troja milito
• Trojo (filmo)
• 3912 Trojo