Norman Angell
Sir Ralph Norman ANGELL (26a de Decembro 1872 – 7a de Oktobro 1967) estis angla ricevinto de la Nobel-premio pri paco.
Li estis prelegisto, ĵurnalisto, verkisto kaj Membro de la Parlamento por la Laborpartio.
| Norman Angell | |||||
|---|---|---|---|---|---|
Nobel-premiito  | |||||
 | |||||
| Persona informo | |||||
| Norman Angell | |||||
| Naskiĝo | 26-an de decembro 1872 en Mansion House | ||||
| Morto | 7-an de oktobro 1967 (94-jaraĝa) en Croydon | ||||
| Lingvoj | angla vd | ||||
| Ŝtataneco | Unuiĝinta Reĝlando (Britio) vd | ||||
| Alma mater | Universitato de Ĝenevo vd | ||||
| Partio | Brita Laborista Partio vd | ||||
| Profesio | |||||
| Okupo | lektoro • ĵurnalisto • politikisto • pedagogo • verkisto • ekonomikisto • politikologo • publikigisto vd | ||||
| Aktiva en | Londono vd | ||||
| |||||
| |||||
| |||||
| vd | Fonto: Vikidatumoj | ||||
Angell estis unu el la ĉefaj fondintoj de la premgrupo Union of Democratic Control (Unio de Demokratia Kontrolo). Li servis en la Konsilio de la Reĝa Instituto de Internaciaj Aferoj, estis estrarano de la Tutmonda Komitato kontraŭ la Milito kaj la Faŝismo, membro de la plenumkomitato de la pacisma Unio Ligo de Nacioj, kaj prezidanto de la Abisenia Asocio. Li estis farita "Knight Bachelor" en 1931 kaj ricevis la Nobel-premion pri paco en 1933.
Li loĝis kaj laboris en Ĝenevo, Kalifornio, Parizo ktp. El la mezo de la 1930-aj jaroj, Angell aktive kampanjis por kolektiva internacia opozicio al la agresemaj politikoj de Germanio, Italio, kaj Japanio. Li iris al Usono en 1940 por prelegi favore al la usona apogo de Britio en la Dua Mondmilito, kaj restis tie ĝis post la publikigo de sia membiografio en 1951. Li poste revenis al Britio kaj mortis 94-jaraĝa en Croydon, Surrey.
Angell estis ankaŭ la desegnisto de The Money Game (monludo), laŭvida metodo instrui al lernejanoj la fundamentojn de financo kaj bankado. Unufoje publikigita en 1928 fare de J. M. Dent & Sons, The Money Game, How to Play It: A New Instrument of Economic Education estis kaj libro kaj ludo. La kerno de la libro estis eseo pri mono kaj studo pri ekonomiko, ĝi enhavis ankaŭ resumon de la historio de la ludo kaj klarigo pri la reguloj.
Li edziĝis al Beatrice Cuvellier sed ili separiĝis kaj li vivis siajn lastajn 55 jarojn sole. Li aĉetis la insulon Northey, Essex, kiu estas ligita al la ĉeftero nur dum malalta tajdo, kaj loĝis en la nura loĝejo en la insulo, kiu nun estas natura rezervejo.
Notoj
This article uses material from the Wikipedia Esperanto article Norman Angell, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.