Mbombela

• Areo: 47 km²
• Loĝantaro: 122.887 (en 2012)
• Supermara alteco: 689 m
• Horzono: UTC +2 h
• Poŝtkodo: 1200
• Telefonkodo: +2713

Mbombela situas en valo laŭ rivero Krokodilo en la nordorienta parto de la lando. Mozambiko troviĝas 100, Emalahleni 179, Newcastle (Sud-Afriko) 274, Pretorio 276, Johanesburgo 300, Richards Bay 387, Durbano 488, Bloemfontein 623, Port Elizabeth 1079, Kaburbo 1532 km.

Tri fratoj de la familio Nel fondis Nelspruit-on en 1905. Dum la bura-brita milito Nelspruit funkciis nelonge kiel sidloko de la registaro por la buroj. En 2009 la urbego (ankaŭ la municipo) prenis novan loknomon Mbombela.

En Mbombela oni okupiĝas pri prilaborado de lignoj, paperoj kaj fruktoj. En la ĉirkaŭaj bienoj oni kultivas oranĝojn, bananojn, mangojn, avokadojn.

Mbombela havas internacian kaj enlandan flughavenojn. El la urbego kuras ĉefvojoj kaj fervojoj al Pretorio kaj Maputo, krome estas ĉevojo al Zimbabvo.

Mbombela havas subtropikan klimaton. La averaĝa temperaturo varias inter 6-29 °C. Inter oktobro-januaro malofte la temperaturo preskaŭ atingas 40 °C. Inter junio-aŭgusto foje la temperaturo falas al frosto. Jare pluvas po 767 mm. La pluvo kulminas en decembro kaj malkulminas en junie.

 

• Botanika ĝardeno
• Nacia Parko Krüger en la proksimeco

• Angla Vikipedio
• loĝantaro
• mapo, distancoj Arkivigite je 2015-05-10 per la retarkivo Wayback Machine
• mapo^{[rompita ligilo]}