Malhela Melierakso
La Malhela melierakso (Melierax metabates) estas rabobirdo de la familio de Akcipitredoj, kiuj povas inkludi ankaŭ multajn aliajn dumtagajn rabobirdojn kiaj milvoj, agloj kaj cirkuoj.
 | ||||||||||||||
|---|---|---|---|---|---|---|---|---|---|---|---|---|---|---|
 _with_francolin.jpg) Malhela melierakso, plenkreskulo ĉe Ĉasrezervejo Kapama, Sudafriko | ||||||||||||||
| Biologia klasado | ||||||||||||||
| ||||||||||||||
| Melierax metabates (Heuglin, 1861) | ||||||||||||||
| Konserva statuso | ||||||||||||||
Aliaj Vikimediaj projektoj | ||||||||||||||
Tiu akcipitro reproduktiĝas en sub-Sahara Afriko, sed evitas pluvarbarojn de la Konga baseno. Estas malgranda kaj malpliiĝanta izolata populacio en Maroko, kaj ĝi loĝas ankaŭ en Saŭdarabio kaj Jemeno.
Ĝi estas specio de loĝantaj birdoj en tropika kaj subtropika savano. Ĝi konstruas neston el bastonetoj en arbo kie la ino demetas 1 al 2 ovojn. Ĝi manĝas varion de malgrandaj vertebruloj kaj grandaj insektoj.
La Malhela melierakso estas granda, longvosta akcipitro kun larĝaj flugiloj kaj enverguro de 105 cm. Ĝi estas ardezgriza supre, kape (iom pli nigreca ĉirkaŭ la okulareo) kaj en supra brusto kaj blanka kun ege fajna strieco sube el suba brusto al subvosto (la plej fajna inter melieraksoj). La vosto estas nigrablanka kaj dumfluge la flugiloj estas grizaj kun nigraj pintoj. La flugo estas rekta kaj mekanika. Estas ruĝaj la kruroj kaj la beko (kun nigra pinto kaj samruĝa suba brido).
Tiu specio ricevas ankaŭ la nomon de Kanta melierakso pro la kanto de la reprodukta sezono, kiu konsistas el kantaj flutaĵoj kaj fajfoj.
Referencoj
This article uses material from the Wikipedia Esperanto article Malhela melierakso, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.