Lingvoj De Barato
La lingvoj de Barato apartenas al diversaj lingvaj familioj.
La ĉefa familio estas la hindeŭropa lingvaro parolata de 73% de la baratanoj, kaj la dravida lingvaro parolata de 24% de la landanoj. Aliaj lingvoj parolataj en la lando apartenas al la familioj aŭstroazia, tibeto-birma, kaj kelkaj aliaj malgrandaj familioj. Ankaŭ estas kelkaj senparencaj lingvoj.
La Respubliko de Barato ne posedas nacian lingvon. Tamen, la konstitucio barata deklaras, ke "La oficiala lingvo de la Unio estos la hindia en la devanagara skribo". La angla estas "akompananta oficiala lingvo". Plue, troviĝas la t.n. Oka Aldono de la barata konstitucio, kiu listigas 22 pliajn grandajn lingvojn. Ankaŭ ilin oni ofte nomas oficialaj.
Troviĝas centoj da gepatraj lingvoj en la lando. La Popola Lingvo-Enketo de Barato (2013-2014; angla mallongo: PLSI) listigas 780 lingvojn kaj 66 skribsistemojn en la lando. Tiu enketo ankaŭ notas, ke la lando "perdis preskaŭ 250 lingvojn dum la pasintaj 50 jaroj".
La reta datumbazo Ethnologue listigas 461 lingvojn por Barato. El tiuj, 447 estas vivantaj, kaj 14 estas mortintaj. "De la vivantaj lingvoj, 75 estas institucigitaj, 127 estas evoluiĝintaj, 178 estas viglaj, 55 malbonfartas, kaj 12 estas mortantaj".
La registara popolnombrado de 2001 listigas 6661 lingvonomojn kiujn la enketitaj homoj donis. El ili venis 1635 "raciigitaj gepatraj lingvoj". Ĉiuj el ili estas parolataj de pli ol 10 mil parolantoj. Aliflanke, 1957 lingvonomoj estis traktitaj kiel "neklasifikitaj" kaj ili estis metitaj en la kategorio "Aliaj gepatraj lingvoj". Oni plue klasifikis tiujn 1635 gepatrajn lingvojn en 122 lingvojn.
Rezulte de tiu ĉi klasifikado, sub la lingvo la hindia, ekzemple, aperas listo de 49 "gepatraj lingvoj". Ankaŭ sub la rubriko la hindia, estas kategorio "Aliaj" kun 14,8 milionoj da parolantoj, ĉiuj el kiuj parolas gepatran lingvon kun malpli ol 10 mil parolantoj.
Kritiko
Kvankam Barato posedas unikan stilon florigi la diversecon, vivas la percepto en eksterlando ke Barato estas anglalingva lando. La ofta aserto ke la angla estas 'gepatra lingvo' de iuj elitoj ne kongruas kun la fakto ke barataj aŭtoroj verkantaj en la angla, stile sekvas anglajn/usonajn aŭtorojn sed laŭenhave sekvas baratajn fontojn.
Referencoj
Vidu ankaŭ
This article uses material from the Wikipedia Esperanto article Lingvoj de Barato, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.